ဒီတော့ စီးပွားရေးလုပ်ငန်းကြီးတွေကလည်း လေကြောင်းလိုင်းတွေထောင်ပြီး ရင်းနှီးမြှုပ်နှံကြတော့ ရွေးချယ်စရာလေကြောင်းလိုင်းတွေကလည်း တစ်နေ့တစ်ခြား များပြားလာပါတယ်။

ဖျော်ဖြေရေးအစီအစဉ်တွေ၊ ဝန်ဆောင်မှုအစီအစဉ်တွေ၊ အစားအသောက်ကောင်းမြန်မှုနဲ့ လေယာဉ်စီးချိန် တိုတောင်းမှု စတာတွေနဲ့ ဖောက်သည်တွေ စိတ်ကျေနပ်အောင် ကြိုးစားနေကြရပါတယ်။

၆။ Easyjet

တန်ဖိုးနည်း ဥရောပလေကြောင်းလိုင်းတစ်ခုဖြစ်တဲ့ Easyjet ဟာ ခရီးသည်တွေကို ဒေါကန်စေတဲ့နေရာမှာ မှတ်တမ်းတင် ထားပါတယ်တဲ့။ လေယာဉ်ချိန်နောက်ကျမှုတွေ၊ လေယာဉ်ပျံသန်းမှု ရပ်ဆိုင်းခြင်းတွေကြောင့် ထင်ရှားတဲ့ လေကြောင်းလိုင်း တစ်ခုလည်း ဖြစ်ပါတယ်။

ကုမ္မဏီကတော့ ပြဿနာတွေကို လိုက်ရှင်းဖို့ကြိုးစားပေမယ့် ခရီးသည်တွေရဲ့ ကွန်ပလိန်းတွေကတော့ ဆက်တက်နေဆဲပါပဲ။

၇။ Turkmenistan Airlines

Google မှာ  Turkmenistan Airlines လို့ရှာကြည့်လိုက်ရုံနဲ့ ဒီလေကြောင်းလိုင်းဟာ ကမ္ဘာပေါ်မှာ အဆိုးရွားဆုံး လေကြောင်းလိုင်း တစ်ခုအဖြစ် သတ်မှတ်ခံထားရတယ်ဆိုတာကို တွေ့ရှိရမှာပါ။

သူတို့ရဲ့ ဆောင်ပုဒ်ဖြစ်တဲ့ "ဖော်ရွေမှုရဲ့သင်္ကေတ" ဆိုတာ ဝန်ထမ်းတချို့အတွက်တော့ မသက်ဆိုင်သလိုပါပဲ။ ရိုင်းပျတဲ့ လေယာဉ်မယ်တွေ၊ အကူအညီမရတဲ့ မြေပြင်ဝန်ထမ်းတွေကြောင့် နာမည်ကြီးပါတယ်။

၈။ American Airlines

၂၀၁၆ ခုနှစ်ဟာ American Airlines အတွက်တော့ ကံဆိုးတဲ့နှစ်ဆိုတာ ငြင်းပယ်လို့မရပါဘူး။ American Airlines ရဲ့ ဝန်ထမ်း တစ်ယောက်က ခရီးသည်တစ်ယောက်ကို လေယာဉ်ပေါ်က အတင်းဆွဲချတဲ့ ဗီဒီယိုဖိုင် လူမှုကွန်ရက်ပေါ်မှာ ပျံ့ပွားသွားပြီးနောက်မှာ၊ နောက်ပြီး တခြားဝန်ထမ်းတစ်ယောက်က အမျိုးသမီးတစ်ယောက်ရဲ့ မျက်နှာကို လက်တွန်းလှည်းနဲ့ ဆောင့်တွန်းလိုက်ချိန်မှာ ဒီလေကြောင်းလိုင်းနဲ့ ခရီးသွားဖို့ကို ဘယ်ခရီးသည်မှ စိတ်မပါတော့တာ အမှန်ပါပဲ။

၉။ Cubana Airlines

အသံပေါင်းစုံထွက်နေတဲ့ လေယာဉ်အစုတ်ကြီးတွေ၊ ဖော်ရွေမှုကင်းမဲ့တဲ့ လေယာဉ်ဝန်ထမ်းတွေ၊ မကြာခဏဆိုသလို လေယာဉ်ချိန် နောက်ကျခြင်းနဲ့ လေယာဉ်ပျံသန်းမှုကို ပယ်ဖျက်ခြင်းတို့က Cubana Airlines လေကြောင်းလိုင်း ရင်ဆိုင်နေရတဲ့ ပြဿနာတချို့ပါပဲ။

နိုင်ငံပိုင်လေကြောင်းလိုင်းဟာ Skytrax ရဲ့ voting မှာ ကြယ်နှစ်ပွင့်ပဲရထားပြီး ခရီးသည်တွေရဲ့ ကွန်ပလိန်းအရတော့ လေကြောင်းလိုင်းဟာ ဝန်ဆောင်မှုပိုင်းမှာ ရင်းနှီးမြှုပ်နှံဖို့ လိုနေတာအမှန်ပါပဲ။

၁၀။ LionAir

အင်ဒိုနီးရှားနိုင်ငံ၊ ဂျကာတာအခြေစိုက် LionAir လေကြောင်းလိုင်းကတော့ အရှေ့တောင်အာရှမှာ ဒုတိယအကြီးဆုံး တန်ဖိုးနည်း လေကြောင်းလိုင်းပါပဲ။

ဒီလေကြောင်းလိုင်းဟာ ဝန်ဆောင်မှု ညံ့ဖျင်းရာမှာ အဆိုးရွားဆုံး လေကြောင်းလိုင်း တစ်ခုအဖြစ် ကြိမ်ဖန်များစွာ မှတ်တမ်းဝင်ထားပါတယ်။ ထိုင်ခုံကျဉ်းတာတွေ၊ ဒူးလှုပ်ရခက်တောတွေအပြင် လေယာဉ်ချိန် ခနခနနောက်ကျ တာတွေကလည်း ဝန်ဆောင်မှု ညံ့ဖျင်းတဲ့ထဲမှာ ပါတာပေါ့။

- ၂၀၁၇ ခုနှစ်အတွက် ကမ္ဘာ့အဆိုးရွားဆုံးလေကြောင်းလိုင်းများ

Source: theculturetrip