စတီဗင်ဂျရတ် နည်းပြအဖြစ် တာဝန်ယူကိုင်တွယ်နေတဲ့ စကော့တလန်ကလပ် ရိန်းဂျားအသင်းဟာ ယူရိုပါလိဂ်အုပ်စုအဆင့်ကို တက်ရောက်နိုင်ဖို့အတွက် ခြေတစ်လှမ်းလှမ်းလိုက်နိုင်ပြီ ဖြစ်ပါတယ်။ မနေ့ညက ကစားခဲ့တဲ့ ယူရိုပါလိဂ် Play-off အဆင့်ပွဲစဉ်မှာ ရိန်းဂျားအသင်းဟာ FC Ufa အသင်းကို တစ်လုံးတည်းသော သွင်းဂိုးနဲ့ အနိုင်ရရှိခဲ့တာ ဖြစ်ပါတယ်။
Photo : Evening Standard
ကွန်နာဂိုးလ်ဆန်ရဲ့ ပွဲချိန် (၄၁)မိနစ်မှာ သွင်းယူခဲ့တဲ့ သွင်းဂိုးနဲ့ အနိုင်ရရှိခဲ့တာဖြစ်ပြီး စတီဗင်ဂျရတ်ရဲ့ အသင်းဟာ နောက်တစ်ဆင့်အတွက် အသာစီးရလာဒ် ရယူ နိုင်ခဲ့တာ ဖြစ်ပါတယ်။ စတီဗင်ဂျရတ်ရဲ့ လက်ထက်မှာ ရိန်းဂျားအသင်းဟာ ရလာဒ်ကောင်းတွေ ပိုင်ဆိုင်နေတာဖြစ်ပြီး ပြိုင်ပွဲစုံ (၁၀)ပွဲ ကစားပြီးရာမှာ ရှုံးပွဲမရှိပဲ (၆)ပွဲအထိ အနိုင်ရလာဒ် ထွက်ပေါ်ခဲ့ပါတယ်။
ထင်မှတ်မထားတဲ့ ခေါ်ယူမှုတစ်ခုကို ပြုလုပ်ဖို့ ကြိုးစားနေတဲ့ ရီးရဲလ်
Photo : Evening Standard
ရိန်းဂျားအသင်းအနေနဲ့ ဒုတိယအကျော့ပွဲစဉ်မှာ အနည်းဆုံးသရေကစားနိုင်ခဲ့မယ်ဆိုပါက အုပ်စုအဆင့်ကို တက်ရောက်နိုင်မှာဖြစ်ပြီး ၂၀၁၀-၁၁ ဘောလုံးရာသီနောက်ပိုင်း ပထမဆုံးအကြိမ် ဥရောပပြိုင်ပွဲတွေကို ဝင်ရောက်ယှဉ်ပြိုင်ခွင့် ရရှိမှာ ဖြစ်ပါတယ်။ ဂျရတ်ဟာ ရိန်းဂျား အတွက် ပထမဆုံးနိုင်ပွဲကို ယူရိုပါလိဂ်ခြေစစ်ပွဲအဆင့်မှာ ရရှိခဲ့တာ ဖြစ်ပါတယ်။
Photo : Evening Standard
မက်ဆီဒိုးနီးယားကလပ် Shkupi နဲ့ ကစားခဲ့တဲ့ ပွဲစဉ်မှာ ရိန်းဂျားက ၂-ဝဂိုးနဲ့ အနိုင်ရရှိခဲ့ပြီး ဂျရတ်ရဲ့ နည်းပြဘဝအစဟာ နိုင်ပွဲနဲ့ ဖွင့်လှစ်နိုင်ခဲ့ပါတယ်။ ရိန်းဂျားအသင်းရဲ့ ဂိုးသမား မက်ဂရီဂေါ်ဟာ ပေးဂိုးမရှိ (၆)ပွဲရရှိအောင် စွမ်းဆောင်ပေးထားခဲ့ပြီး ဂျရတ်ကို အကောင်းဆုံး အကူအညီပေးခဲ့တဲ့ ကစားသမားဖြစ်လာခဲ့ပါတယ်။
Photo : Evening Standard
ကစားသမားဘဝမှာ လီဗာပူးလ်အသင်းနဲ့အတူ အောင်မြင်မှု အများအပြား ရရှိခဲ့သလို ပင်ကိုယ်ခြေစွမ်းအရ၊ ခေါင်းဆောင်နိုင်မှုစွမ်းရည်အရ အမြင့်ဆုံးအဆင့်မှာ ရှိနေခဲ့တဲ့ စတီဗင်ဂျရတ်ဟာ နည်းပြဘဝမှာလည်း ရှုံးပွဲကြုံတွေ့ထားခြင်း မရှိသေးပဲ ရလာဒ်ကောင်းတွေ ဆက်တိုက် ရရှိနေခဲ့ပါတယ်။ စတီဗင်ဂျရတ်အနေနဲ့ ရိန်းဂျားအသင်းကို ဘယ်လောက်ထိ စွမ်းဆောင်ပေးနိုင်မလဲဆိုတာကိုတော့ ဆက်လက်စောင့်ကြည့်ရမှာ ဖြစ်ပါတယ်။