ဒီအချိန်က ရာသီအကူးအပြောင်းဖြစ်တဲ့အတွက် အအေးမိတာ ဖျားနာတာ အဖြစ်များပါတယ်။
ဒါ့အပြင် တုပ်ကွေးအမျိုးမျိုးရဲ့ ရာသီချိန်ခါ ဖြစ်လို့ ဖျားနာသူ မနည်းပါဘူး။နေမကောင်းတဲ့အခါ တတ်နိုင်သမျှ မြန်မြန်ပြန်ကောင်းချင်တဲ့လူတွေချည်းပါပဲ။ ဒါပေမယ့် ကိုယ့်အလေ့အကျင့်အချို့က ရောဂါလက္ခဏာတွေကို ပိုဆိုးသွားစေနိုင်ပါတယ်။ ဒါကြောင့် မြန်မြန်ပျောက်ချင်တယ်ဆိုရင်တော့ဖျားနာနေတဲ့အခါ ဒီအပြုအမူ (၇)ချက်ကို ရှောင်ဖို့လိုအပ်ပါတယ်။
အလုပ်ကြိုးစားနေတာ
Photo: The lowa Clinic
ဖျားနာနေတဲ့အခါ ပုံမှန်အတိုင်းအလုပ်လုပ်နိုင်ဖို့ကို မကြိုးစားပါနဲ့။ ခန္ဓာကိုယ်က အအေးမိ ဒါမှမဟုတ် တုပ်ကွေးဗိုင်းရပ်စ်ကို တိုက်ဖျက်ဖို့ စွမ်းအင်လိုအပ်ပါတယ်။ဒါကြောင့် အနားယူခြင်းကို ဦးစားပေးပါ။ အလုပ် ဒါမှမဟုတ် ကျောင်းကိစ္စတွေရှိရင်လည်း အနားယူပါ။ အိမ်မှာနေပါ။ ဒါက ခန္ဓာကိုယ်ကို ပြန်လည်ကောင်းမွန်လာစေဖို့ ကူညီပေးမယ့်အပြင် တခြားသူတွေကို မကူးစက်အောင်လည်း ကာကွယ်နိုင်ပါတယ်။
ဆရာဝန်မပြတာ
Photo: Everyday Health
သာမန်အအေးမိတာအတွက်တော့ ဆေးခန်းပြဖို့ မလိုအပ်ပေမယ့် အပူချိန်မြင့်တာ ၊ ခန္ဓာကိုယ်ကိုက်ခဲတာ၊ ပင်ပန်းနွမ်းနယ်တာလိုမျိုး တုပ်ကွေးလက္ခဏာတွေရှိရင်တော့ ဆေးခန်းပြသင့်ပါတယ်။ဒါမှသာ ရောဂါလက္ခဏာတွေကို သက်သာစေပြီး ဖျားနာမှုအချိန်ကို တိုစေမှာပါ။
အိပ်ရေး၀၀ မအိပ်တာ
Photo: self.com
အိပ်ရေးပျက်တာက ကိုယ်ခံအားစနစ်ကို အားနည်းစေပြီး အဖျားတာရှည်နိုင်ပါတယ်။ လေ့လာမှုတစ်ခုအရ တစ်ညကို ၆နာရီအောက်ပဲ အိပ်ချိန်ရှိသူတွေဟာ အနည်းဆုံး ၇နာရီအိပ်တဲ့သူတွေထက် ဖျားနာနိုင်ခြေ လေးဆမြင့်ပါတယ်။ဒါ့ကြောင့် ညဘက်လည်း စောစောအိပ်ရာဝင်ပြီး နေ့ဘက်မှာလည်း တစ်ရေးတစ်မော အိပ်သင့်ပါတယ်။
ရေသောက်နည်းတာ
Photo: informal
ဖျားတဲ့ အချိန်မှာတော့ ရေလုံလောက်အောင် သောက်သင့်ပါတယ်။ ဒါမှ ရေဓာတ်ရှိနေရင် လည်ချောင်းနာတာ ၊ ချွဲတွေကို သက်သာစေမှာပါ။ ခေါင်းကိုက်ခြင်းကိုလည်း ကာကွယ်ပေးနိုင်ပါတယ်။ ဖျားနေချိန်မှာတော့ ရေများများသောက်တာ ၊ ဆေးဖက်ဝင်လက်ဖက်ရည် ဒါမှမဟုတ် ဟင်းရည်ပူပူလေးတွေ သောက်ပါ။ဒါက မောပန်းနွမ်းနယ်တာ ၊ လည်ချောင်းနာတာ နဲ့ အအေးမိလက္ခဏာတွေကို သက်သာစေမှာပါ။
အစားမစားတာ
Photo: Nutrition
ဖျားတဲ့အခါ ပါးစပ်ပျက်တယ်ဆိုပြီး အစားနည်းသွားကြပါတယ်။ တကယ်တမ်းမှာတော့ ဖျားတဲ့အခါ အစားစားဖို့က အရေးကြီးပါတယ်။ဒါမှ အအေးမိ ၊ တုပ်ကွေးဗိုင်းရပ်စ်တွေကို တိုက်ခိုက်တဲ့ ကိုယ်ခံအားဆဲလ်တွေကို အားဖြည့်ပေးမှာပါ။ အစားဝင်အောင်စားတာကလည်း အဖျားသက်သာဖို့ အထောက်အကူပြုပါတယ်။
ဆေးလိပ်သောက်တာ
Photo: New Scientist
ဆေးလိပ်သောက်တာက အဆုတ်ကို ပျက်စီးစေပြီး လည်ချောင်းကို ယားယံစေပါတယ်။ အဲဒါက အအေးမိတဲ့ လက္ခဏာတွေကို ပိုမိုဆိုးရွားစေနိုင်ပါတယ်။ ဒါကြောင့် ဖျားနေတဲ့အချိန် စီးကရက်နဲ့ vape တွေကို ရပ်ထားပါ။
စိတ်ဖိစီးခံတာ
Photo: Love What Matter
စိတ်ဖိစီးမှုများတဲ့အခါ ခန္ဓာကိုယ်က ထုတ်တဲ့ဟော်မုန်းက ခုခံအားစနစ်ကို အားနည်းစေပါတယ်။ ရောင်ရမ်းမှုကိုလည်း တိုးစေပြီး နှာစေးတာကို ပိုဆိုးစေနိုင်ပါတယ်။ ဒါကြောင့် စိတ်ဖိစီး စိတ်ညစ်စရာတွေကို မတွေးဘဲ အနားယူခြင်းက အမြန်ထူထူထောင်ထောင် ဖြစ်စေမှာပါ။
Ref: Symptoms
Share