နှုတ်ခမ်းသားတွေ ခြောက်သွေ့နေတဲ့အခါ Lip Balm ကို လိမ်းပေးရပါတယ်။ Lip Balm က နှုတ်ခမ်းသားတွေကို နူးညံ့စိုပြေစေပြီး တင်းရင်းမှုကိုပေးပါတယ်။ ခက်တာက တချို့ lip balm တွေက လိမ်းလိုက်တိုင်း ယားလာရော။ အဓိကကတော့ lip balm မှာ ပါဝင်တဲ့ဓာတုပစ္စည်းတွေက ကိုယ်နဲ့မတည့်လို့ ယားယံတာဖြစ်ပါတယ်။
၁။ အနံ့
များသောအားဖြင့်တော့ lip balm တွေမှာ အနံ့မပါဘူး။ ဘာကြောင့်လဲဆိုတော့ လူအတော်များများဟာ lip balm မှာ ပါဝင်တဲ့မွှေးရနံ့ မတည့်ကြလို့ပါ။ သစ်ကြံပိုးခေါက်ကိုထည့်သွင်းဖော်စပ်ထားတဲ့ lip balm တွေကလည်း လိမ်းလိုက်ရင် ယားယံမှုကို ခံစားရစေပါတယ်။
၂။ ကာဘော်လစ်နဲ့ ပရုပ်
ကာဘော်လစ်နဲ့ အလားသဏ္ဍန်တူတဲ့ phenol ၊ ပရုပ် (menthol) တို့ကလည်း နှုတ်ခမ်းသားကို ယားယံစေနိုင်တယ်။ ဒီနှစ်မျိုးက ပူရှိန်းအေးမြစေတာကြောင့် အချို့သော lip balm တွေမှာ ထည့်သွင်းဖော်စပ်ကြပါတယ်။ ပူရှိန်းလေးဆိုရင် နှုတ်ခမ်းကွာတာ သက်သာလိမ့်မယ်လို့လည်း မှားယွင်းယူဆတတ်ကြတယ်။ နှုတ်ခမ်းနီတိုင်းနဲ့မတည့်တဲ့ (sensitive) ဖြစ်တတ်သူတွေဆိုရင် ဒီနှစ်မျိုးကို ရှောင်ရပါမယ်။
၃။ ဗီတာမင် E
အသားအရေကို လှပစေတဲ့ ဗီတာမင် E က နှုတ်ခမ်းနဲ့ မတည့်တာ ဘာကြောင့်လဲ။ ဗီတာမင် E ကလည်း လူတိုင်းနဲ့ တည့်ချင်မှတည့်တာပါတဲ့။ ဒါပေမဲ့ ဒါမျိုးကတော့ ဖြစ်တောင့်ဖြစ်ခဲအခြေအနေလို့ သိရပါတယ်။
Source : Prevention