ဂျပန်နိုင်ငံမှာ ဒေသအလိုက်၊ ပြည်နယ်အလိုက်ထင်ရှားတဲ့ ရိုးရာအစားအသောက်တွေ ရှိပါတယ်။ ဒီနေ့မှာတော့ ဂျပန်နိုင်ငံ၊ တိုဟိုကူ (Tohoku) ပြည်နယ်မှာ ထင်ရှားတဲ့ရိုးရာဟင်းလျာတွေကို ဖော်ပြပေးသွားမှာဖြစ်ပါတယ်။

၁။ Shiso maki (သစ်ကြားသီးစေ့နဲ့ miso အစာသွပ်ထားတဲ့ Shiso ရွက်လိပ်)

ဒီဟင်းပွဲထဲမှာတော့ သစ်ကြားသီးစေ့နဲ့ miso (ပဲပုပ်စေ့နဲ့ ဆားတို့ ဆန်အရက်တို့နဲ့ စိမ်ထားတဲ့ ဂျပန်ဟင်းလျာတစ်မျိုး) တို့ကို နှမ်းစေ့လှော်နဲ့ ပေါင်းစပ်ထားပါတယ်။ ပြီးတော့မှ အဲဒါကို shiso ရွက်နဲ့ ပေါင်းစပ်လိုက်တဲ့အတွက် တမူထူးကဲတဲ့ အရသာတစ်မျိုးကို ပေးစွမ်းနိုင်ပါတယ်။ အဲဒီအရွက်တွေကို အလိပ်လေးတွေဖြစ်အောင်လိပ်၊ တုတ်ချောင်းသေးသေးလေးတွေနဲ့ထိုးပြီး နှမ်းဆီပါးပါးလေးစိမ်ပြီး မီးကင်ထားပါတယ်။

၂။ Hittsumi-jiru (ဝက်သား ခေါက်ဆွဲပြုတ်)

၃။ Harako meshi (ငါးဥဆားနယ်အနီရောင်နဲ့ ဖုံးထားတဲ့ ဆယ်လ်မွန်ငါးထမင်း)

ဂျပန်နိုင်ငံ တိုဟူကူနယ်က ဟင်းလျာတွေမှာတော့ ဆယ်လ်မွန်ငါးဟာ အလွန်အရေးကြီးတဲ့အခန်းကဏ္ဍက ပါဝင်နေပြီး harako meshi ဆိုတာ တကယ်တော့ "ဆယ်လ်မွန် ကလေးထမင်း" လို့ အဓိပ္ပာယ်ရပါတယ်။ ဒီဟင်းပွဲဟာ ဒေသမျက်နှာဖုံးလို့ ခေါ်ဆိုထိုက်တဲ့ နာမည်ကြီးဟင်းပွဲတစ်မျိုးပါပဲ။ မိသားစုညစာစားပွဲတွေမှာ အထူးဟင်းလျာအဖြစ်တင်ဆက်လေ့ရှိပြီး အိမ်တိုင်း အိမ်တိုင်းမှာ ကိုယ်ပိုင် ချက်ပြုတ်ပုံ၊ တင်ဆက်ပုံနည်းလမ်းတစ်မျိုးစီ ရှိကြပါတယ်။

၄။ Kaki no dote nabe (မြစ်ကမ်းနဖူးက ကမာကောင် hotpot)

Dote (မြစ်ကမ်းနဖူး)၊ nabe (hotpot) ဆိုတာ အိုးနှုတ်ခမ်းပတ်လည်မှာ တင်ထားတဲ့ miso အနှစ်ကိုအစွဲပြုပြီးခေါ်ဝေါ်တာပါ။ အိုးထဲကစွပ်ပြုတ်က ဆူပွက်လာတာနဲ့အမျှ မိုးသည်းတဲ့နေ့ရက်တွေမှာ မြစ်ကမ်းပါးနံရံတွေ မြစ်ထဲကို ပြိုဆင်းလာသလိုပဲ miso အနှစ်လေးတွေက hotpot အိုးထဲကိုဆင်းသွားပြီး အရသာကို ပိုမိုလေးနက်ကောင်းမွန်စေပါတယ်။ ကမာကောင်နဲ့ miso အနှစ်ကို တို့စားလို့လည်း ရပါတယ်။

၅။ Michinoku kokeshi bento (တို့ဖူးကြော်နဲ့ ဟင်းရွက်စုံ ဂျပန်ဒံပေါက်)

၆။ Onigiri (ထမင်းဆုပ် ဆင်းဒဝှစ်ချ်)

ဆားနဲ့ဆုပ်နယ်ပြီး လုံးထားတဲ့ထမင်းဆုပ်လုံး ဆင်းဒဝှစ်ချ်လေးတွေကို onigiri လို့ခေါ်ပြီး ထုပ်ပိုးရလွယ်ကူ၊ သယ်ဆောင်ရလွယ်ကူပြီး စားရတာလည်းလွယ်ကူပါတယ်။ နောက်ပြီး  လက်နဲ့ကိုင်စားရတဲ့ ဂျပန်ရိုးရာ အစားအစာတွေထဲမှာ လူကြိုက်များတဲ့ အစားအစာတစ်မျိုးလည်း ဖြစ်ပါတယ်။ များသောအားဖြင့် တြိဂံပုံရှိပြီး စက်ဝိုင်းပုံတွေလည်းရှိပါတယ်။

၇။ Matsu no mi shira ae, kaki utsuwa (ထင်းရှူးစေ့+တို့ဟူးဆော့စ်နဲ့ပေါင်းထားတဲ့ သစ်သီးပေါင်းထည့်သွပ်ထားတဲ့ တည်သီးအစာသွပ်)

ဒီဟင်းလျာလေးကတော့ တည်သီးကိုအလည်မှာ အခေါင်းပေါက်ဖြစ်အောင်ထွင်းပြီးမှ သစ်သီးပေါင်းထည့်ထားတာပါ။ စပျစ်သီး၊ သစ်သော့သီး၊ ပန်းသီးစတဲ့သစ်သီးတွေကို shira ae လို့ခေါ်တဲ့ ထင်းရှူးစေ့နဲ့ တို့ဟူးကို ဆော့စ်ဖြစ်အောင် ချက်ယူထားတဲ့အနှစ်နဲ့ ပြန်ပေါင်းထားပြီးမှ တည်သီးထဲမှာ အစာသွပ်ထားတာဖြစ်ပါတယ်။ တိုဟိုကူ (Tohoku) ပြည်နယ်မှာတော့ စားဖိုမှူးတွေဟာ shira ae ရဲ့အရသာ ပိုမိုကောင်းမွန်စေဖို့အတွက် ထင်းရှူးစေ့တွေကို မီးကင်ပြီးမှ ပြန်ထောင်းထည့်ကြပါတယ်။

၈။ Shake no kobu maki (ဆယ်လ်မွန်အစာသွပ် ပင်လယ်ရေညှိလိပ်)

နှစ်ကူးရုံးပိတ်ရက်တွေမှာစားသုံးကြတဲ့ အထူးဟင်းပွဲတွေကို ဂျပန်နိုင်ငံမှာတော့ osechi လို့ တစ်ပေါင်းတည်းခေါ်ကြပါတယ်။ ဂျပန်ရိုးရာယွန်းထမင်းချိုင့်ပုံစံ jubako box လို့ခေါ်တဲ့ ထမင်းချိုင့်ထဲမှာ အထပ်လိုက် ထည့်ပြီး စီစဉ်ခင်းကျင်းထားတဲ့ ဒီဟင်းပွဲလေးဟာ ဂျပန်နိုင်ငံရဲ့အချက်အပြုတ်ယဉ်ကျေးမှုကို ထင်ဟပ်စေပါတယ်။ Shake no kobu maki (ဆယ်လ်မွန်အစာသွပ် ပင်လယ်ရေညှိလိပ်) လေးတွေကို အဲဒီ ထမင်းချိုင့်မှာ ထည့်သွင်းစီရင်ထားပါတယ်။

Source: CNN