ပွဲလမ်းတွေသွားပြီဆိုရင် ကိုယ်နဲ့ သိပ်မတည့်တဲ့ မိန်းကလေးသူငယ်ချင်းက သူ့ရည်းစားကို ခေါ်လာတာတွေ့တဲ့ အချိန်မျိုးမှာဆို ဘေးကလူကို လက်တို့ပြီး ပြောကြတယ်။ သူ့ဘဲက ဘယ်လိုမျိုး ပုံမလာ ပန်းမလာတာတို့ကနေ စပြီး အတင်းအုပ်တော့တာပဲ။ ဟုတ်တယ်မို့လား။

ဒါကတော့ စနောက်လို့ပဲဖြစ်ဖြစ် ၊ မနာလိုလို့ပဲဖြစ်ဖြစ် ပြောထွက်မိကြတယ်။ ဒါပေမဲ့ ယောက်ျားလေးတွေရှေ့တော့ ဒီစကားကို လုံးဝ မပြောဘူး။ ကိုယ့်ဘေးက မိန်းကလေးသူငယ်ချင်း ၊ ညီအစ်မတွေကိုပဲ ပြောဖြစ်တာ။ ကိုယ်သဘောမကျတဲ့လူနဲ့ ကိုယ်နဲ့ဆို ကိုယ်က ပိုလှနေတာပဲ ဖြစ်ချင်တယ်။

အခုဆို မိတ်ကပ်ပစ္စည်းတွေက ဝယ်ရတာ လွယ်လာပြီ။ Beauty Diary လိုမျိုး တစ်နေရာတည်း အစုံရတဲ့ ဆိုင်တွေရော ၊ အွန်လိုင်းကနေ မှာလို့ရတာတွေရော အစုံပဲ။ Buy One, Get One Free လိုမျိုး ရှိလာပြီ ဆိုလို့ကတော့ ကိုယ့်အခင်ဆုံး မိန်းကလေးသူငယ်ချင်းကို ခေါ်တော့တာပဲ။ ဒါမျိုးကျ သိပ်စည်းလုံးတာ။