" ကျွန်မတို့တွေက အမျိုးသမီးငယ်လေးတွေကို ကြံ့ခိုင်ပြီး ကိုယ်ပိုင်စေ့ဆော်မှုရှိဖို့ ၊ ကိုယ့်ကိုယ်ကိုယ် ထောက်ခံအားပေးနေစေချင်တယ်ဆိုရင် ကျွန်မတို့မှာ လုပ်စရာတွေ အများကြီးရှိတယ်ဆိုတာ နားလည်ဖို့လိုတယ်" လို့ မစ်ရှဲလ်က ဆိုပါတယ်။ အမျိုးသားတွေအနေနဲ့ ဒီလိုကိစ္စတွေကို ဘေးကနေရပ်ကြည့်ပြီး ကျေနပ်မနေသင့်ဘူးလို့လည်း ပြောသွားပါသေးတယ်။ " အဲ့တာက ကျွန်မကို ဘယ်လောက်တောင်စိတ်ပျက်စေလဲဆိုတာ ရှင်တို့ကို ပြောလို့တောင်မရဘူး" လို့လည်း သူမရဲ့ အားမလိုအားမရ ဖြစ်မှုကို ထုတ်ပြောခဲ့တယ်။

အမေရိကန်သမ္မတဟောင်း အိုဘားမားရဲ့ ဇနီးသည် မစ်ရှဲလ် အိုဘားမားဟာ သူမကို ကောင်းကောင်းမွန်မွန် ဆက်ဆံတဲ့ အမျိုးသားတွေကြားမှာ ကြီးပြင်းလာခဲ့ရတဲ့အတွက် ကိုယ့်ကိုယ်ကိုယ် ကံကောင်းတယ်လို့ ယူဆမိပါကြောင်း ပရိသတ်ကို ပြောခဲ့ပါတယ်။ " ကျွန်မပတ်ဝန်းကျင်က လူတွေဆီကနေ အပြုသဘောဆန်တဲ့စကားတွေ အများကြီး ရခဲ့တယ်။ လူငယ်အမျိုးသမီးတစ်ဦးအနေနဲ့ ကျွန်မကို ရုပ်ပိုင်းဆိုင်ရာအရရော စိတ်ပိုင်းဆိုင်ရာအရပါ ဘယ်တော့မှ မစော်ကားတဲ့ ၊ ရင့်ကျက်ခွန်အားရှိတဲ့ အမျိုးသားတွေ ကျွန်မဘဝမှာ ရှိခဲ့တယ်" လို့ ပြောသွားကြောင်း Hartford Courant သတင်းမှာ ဖော်ပြခဲ့ပါတယ်။

Source : Bazaar