၁။ သွေးဖိအားကို ကျဆင်းစေတယ်

သုတေသီတွေရဲ့ ထုတ်ပြန်ချက်အရ အာလူးရဲ့အခွံထဲမှာ သွေးဖိအားကို ကျဆင်းစေပြီး သွေးတိုးရောဂါကို ကာကွယ်ပေးနိုင်တဲ့ ပိုတက်စီယမ်ဓာတ် အထူးကြွယ်ဝစွာပါဝင်ပါတယ်။ အနေတော် အာလူးမီးဖုတ်တစ်မျိုးမှာ ပိုတက်စီယမ် (၅၃၅) မီလီဂရမ်နဲ့ ဆိုဒီယမ် (၁၇.၃) မီလီဂရမ်ပါဝင်ပြီး ဒီပမာဏဟာ နေ့စဉ်လိုအပ်တဲ့ ပိုတက်စီယမ်ပမာဏ (၁၅) ရာခိုင်နှုန်းကို ဖြည့်ဆည်းပေးနိုင်ပါတယ်။ သွေးထဲမှာ ပိုတက်စီယမ် ပမာဏများမယ်ဆိုရင် ကျောက်ကပ်ထဲမှာ ဆားနဲ့ရေစစ်ထုတ်နိုင်စွမ်းကို ပိုမိုမြင့်မားစေသလို သွေးဖိအားလျော့နည်းအောင်လည်း လုပ်ဆောင်ပေးနိုင်ပါတယ်။

၂။ နှလုံးအားကောင်းစေတယ်

ဝမ်းသာစရာသတင်းတစ်ခုက အာလူးထဲမှာ ကိုလက်စ်ထရောမပါဝင်ပါဘူး။ အာလူးထဲမှာ အမျှင်ဓာတ်၊ ပိုတက်စီယမ်၊ ဗိုက်တာမင်စီ၊ ဗိုက်တာမင်ဘီစစ်တို့တော့ ကြွယ်ဝစွာပါဝင်ပါတယ်။ အဲဒါတွေအားလုံးက နှလုံးကျန်းမာရေးအတွက် မရှိမဖြစ်လိုအပ်တဲ့ အာဟာရဓာတ်တွေပါ။

၃။ ကင်ဆာကာကွယ်ပေးတယ်

လေ့လာမှုတွေအရ အာလူးကို ဆီတွေနဲ့ကြော်မစားဘဲ ပြုတ်စားတာတို့၊ မီးဖုတ်စားတာတို့ လုပ်ပေးမယ်ဆိုရင် ကင်ဆာရောဂါကို ကာကွယ်နိုင်ပါတယ်တဲ့။ ဒီလိုမဟုတ်ဘဲ အာလူးကို အာလူးချောင်းကြော်တို့၊ အာလူးအပြားကြော်တို့အဖြစ် ဆီနဲ့ကြော်စားမယ် ဆိုရင်တော့ acrylamide ဆိုတဲ့ ဓာတုပစ္စည်းတစ်မျိုးကို ထွက်လာစေပြီး ကင်ဆာဖြစ်စေနိုင်ပါတယ်။

၄။ အရိုးတွေကို သန်မာစေတယ်

မေရီလန်း ဆေးကုသရေးဋ္ဌာနရဲ့ လေ့လာမှုတစ်ခုအရတော့ အာလူးထဲမှာပါဝင်တဲ့ မဂ္ဂနီစီယမ်နဲ့ ပိုတက်စီယမ်ဟာ အရိုးကျန်းမာရေးကို ပိုမိုကောင်းမွန်စေပြီး အရိုးပွရောဂါ အန္တရာယ်ကို တားဆီးပေးနိုင်ပါတယ်။ ဒီသတ္ထုဓာတ်နှစ်မျိုးဟာ အမျိုးသားတွေမှာကော၊ အမျိုးသမီးတွေမှာပါ အရိုးသန်မာကြံ့ခိုင်မှု အားနည်းခြင်းကို ကုစားပေးနိုင်ပါတယ်။

၅။ ကိုယ်ခံအားကောင်းစေတယ်

ကိုယ်ခံအားစနစ်ဆိုတာ ခန္ဓာကိုယ်အတွက် အလွန်အရေးပါတဲ့ အရာတစ်ခုပါ။ ကိုယ်ခံအားကောင်းနေမှ ကျွန်တော်တို့ရဲ့ ပတ်ဝန်းကျင်မှာ အမြဲရှိနေတဲ့ ဘက်တီးရီးယားနဲ့ ဗိုင်းရပ်စ်ပိုးမွှားတွေ ကူးစက်ခြင်း အန္တရာယ်ကို ကာကွယ်နိုင်မှာဖြစ်ပါတယ်။ သုတေသနတွေအရတော့ အာလူးစားပေးခြင်းဟာ လူတစ်ယောက်ဖျားနာနေချိန်မှာ ရောင်ရမ်းခြင်းကြောင့် ထွက်ပေါ်လာတဲ့ leucocyte ဆိုတဲ့ ဓာတုပစ္စည်း တစ်မျိုးကို တိုက်ဖျက်ပေးနိုင်တယ်လို့လည်း ဆိုပါတယ်။

ှSource: Stylecraze