အုပ်စုတွင်း ၄ ပွဲ ကစားခဲ့ရာမှာတော့ ၂ ပွဲနိုင် ၁ ပွဲသရေ ၁ ပွဲရှုံးပြီး ရမှတ် ၇ မှတ်နဲ့ အဆင့် ၃ နေရာသာ ရပ်တည်နိုင်ခဲ့ပါတယ်။ ဗီယက်နမ် အသင်းက ၃ ပွဲနိုင် ၁ ပွဲသရေ ၁၀ မှတ်နဲ့ အုပ်စုဗိုလ်၊ မလေးရှားအသင်းက ၃ ပွဲနိုင် ၁ ပွဲရှုံး ၉ မှတ်နဲ့ အုပ်စု ဒုတိယ ရရှိပြီး ဆီမီးဖိုင်နယ် အဆင့်ကို တက်လှမ်းခဲ့ပါတယ်။
မြန်မာအသင်းဟာ မလေးရှားမြေမှာ ၃-၀ ဂိုးနဲ့ ရှုံးနိမ့်ပြီး ၂၀၁၈ဆူဇူကီးဖလား အုပ်စုတက်ခွင့်ဆုံးရှုံးလိုက်ရပါတယ်။ ဒီပွဲမှာ ရှုံးနိမ့်ခဲ့တဲ့ အတွက် ဘယ်သူ့ကိုမှ အပြစ်တင်ပြောဆိုခြင်း မပြုပါဘူးလို့ မြန်မာအသင်း နည်းပြချုပ် အန်တွန်နီဟေးက ပွဲပြီး သတင်းစာရှင်းလင်းပွဲမှာ ပြောသွားပါ တယ်။
ဘူကစ်ဂျာလီမှာ အဆုံးသတ်ခဲ့ရတဲ့ မြန်မာတို့ရဲ့ မျှော်လင့်ချက်တွေ
"မနေ့က အသင်း အစည်းအဝေးမှာ ဒီနေ့ ပွဲအတွက် ပွဲအစမှာ အသုံးပြုမယ်လို့ ဆုံးဖြတ်ထားတဲ့အတိုင်း ခံစစ်အားသန်တဲ့ ကွင်းလယ်ကစား သမား တွေကို ပွဲထုတ်ခဲ့ပါတယ်။ပထမပိုင်း ကျွန်တော်တို့ ၁ ဂိုးဂိုးမရှိနဲ့ ရှုံးနေချိန်မှာတော့ တိုက်စစ်အားသန်တဲ့ ထက်ဖြိုးဝေကို ထည့်လိုက်ပါ တယ်။ပွဲပြီးတဲ့ အထိကြည့်မယ်ဆိုရင် တော့ ဒီ ၁၉ နှစ်သားလေးက အောင်သူဂိုးသွင်းနိုင်ဖို့ အခွင့်အရေးတွေ ဖန်တီးပေးနိုင်ခဲ့တာ တွေ့ရမှာပါ။အကယ်ဒမီထွက်ဒီကစားသမားလေးက ပရော်ဖက်ရှင်နယ် ကလပ်အသင်းကြီးမှာ မကစားရသေးပါဘူး။ဒါ့အပြင် ဘယ်သူ့ကိုမှ အပြစ်မတင်ပါဘူး။ ကျွန်တော့်မှာ ဒီပြိုင်ပွဲကို မကစားလိုက်ရ တဲ့ ကစားသမား ၂ ယောက်ပဲ ရှိခဲ့ပါတယ်။အဲ့ဒီအတွက် စိတ်မ ကောင်းပါဘူး။ ကစားသမားအားလုံး ကြိုးစားခဲ့တဲ့အပေါ်မှာတော့ ကျွန်တော် ဂုဏ်ယူပါတယ်။"လို့ ပြောသွားပါတယ်။
အန်တွန်နီဟေးအနေနဲ့ မြန်မာ့လက်ရွေးစင်အသင်းကို ပထမဆုံး ပြိုင်ပွဲအဖြစ် စတင်ကိုင်တွယ်တဲ့ ပွဲမှာ အောင်မြင်မှု မရခဲ့တာ ဖြစ်ပြီး ရှေ့မှာ တော့ ယူ- ၂၃ အသင်းနဲ့အတူ အာရှအားကစားပွဲတော်မှာ အဆင့်တစ်ခု ပြသထားနိုင်ပါတယ်။
မြန်မာနိုင်ငံဘောလုံးအဖွဲ့ချုပ်က အန်တွန်နီဟေးကို ၂၀၁၈ ခုနှစ်လယ်ပိုင်းလောက်ကမှ ယခင်နည်းပြ ဂတ်ဆီဇီနေရာမှာ အစားထိုးခန့်အပ်ခဲ့တာ ဖြစ်လို့ မြန်မာအသင်းနည်းပြအဖြစ် လပိုင်းလောက်သာ ကိုင်တွယ်ထားသေးတာလည်း ဖြစ်ပါတယ်။
လာမယ့်နှစ်မှာတော့ ၂၀၁၉ အရှေ့တောင်အာရှအားကစားပွဲတော်ရှိနေသေးပြီး အဲ့ဒီအသင်းကိုတော့ နည်းပြချုပ်အဖြစ် ဦးကြည်လွင်တာဝန်ယူ နေပြီး အန်တွန်နီဟေးကတော့ နည်းစနစ်အကြံပေးအဖြစ် တာဝန်ယူမယ်လို့လည်း သတင်းတွေ ကြားနေရပါတယ်။