လမ်းပေါ်က ပျက်စီးနေတဲ့ ဘောလုံးကွင်းတွေကို အာဆင်နယ်ဖောင်ဒေးရှင်းက ဦးဆောင်ပြီး ပြန်လည်ပြုပြင်ပေးနိုင်ရေး အတွက် ရန်ပုံငွေ ရရှိ ရေး ကစားမှာ ဖြစ်ပါတယ်။
Photo - Arsenal.com
အာဆင်နယ် ဖောင်ဒေးရှင်းအတွက် ရန်ပုံငွေပွဲအဖြစ် အာဆင်နယ်အသင်းနဲ့ ရီးရဲမက်ဒရစ်အသင်းတို့ ချစ်ကြည်ရေး ခြေစမ်းပွဲအဖြစ် ယှဉ်ပြိုင်က စားကြမှာ ဖြစ်ပါတယ်။
အာဆင်နယ်၊ချဲလ်ဆီးတု့ိ ပါဝင်ကစားမယ့် ယူရိုပါလိဂ် ပြိုင်ပွဲအကြောင်း သိကောင်းစရာ
ပြိုင်ပွဲကိုတော့ လာမယ့် စက်တင်ဘာလ ၈ ရက်နေ့မှာ အာဆင်နယ်အသင်းရဲ့ အိမ်ကွင်းဖြစ်တဲ့ အီးမရိတ်ကွင်းအတွင်း ယှဉ်ပြိုင်ကစားမှာ ဖြစ်ပြီး ကစားသမားတွေကတော့ ကစားသမားဟောင်းတွေ ပါဝင်ကြမှာ ဖြစ်ပါတယ်။
Photo - Arsenal FC
ဒီပွဲရဲ့ အဓိကလိုအပ်ချက်ကတော့ ကွင်းဝင်ကြေးဖြစ်ပြီး ရရှိလာတဲ့ ကွင်းဝင်ကြေးတွေကနေ ပျက်စီးနေတဲ့ လမ်းပေါ်က ဘောလုံးကွင်းတွေကို အာဆင်နယ် ဖောင်ဒေးရှင်းက ဦးဆောင်ပြီး ပြုပြင်ပေးသွားမှာ ဖြစ်ပါတယ်။
အခုအာဆင်နယ်အသင်းရဲ့ ကွင်းမှာ ကစားမယ့် ပွဲမှာတော့ အာဆင်နယ်အသင်းဖက်က ကစားသမားဟောင်းတွေ ဖြစ်တဲ့ ရော်ဘတ်ပီရက်စ်၊ဒေးဗစ်ဆီးမန်း၊ယွန်းဘတ်အစရှိတဲ့ ကစားသမားတွေ ပါဝင်လာမှာ ဖြစ်သလို၊ရီးရဲအသင်းဖက်ကလည်း ဘရာဇီး ဂန္တဝင် ရော်နယ်ဒိုနဲ့ ရော်ဘတ်တိုကားလို့စ် အစရှိတဲ့ ဂန္တဝင်ကစားသမားကြီးတွေ ပါဝင်မှာလည်း ဖြစ်ပါတယ်။
Photo - gettyimages.ca
ဒီပွဲစဉ်အတွက် လက်မှတ်နှုန်းထားတွေကိုတော့ ၁၀ ပေါင်ကနေ ပေါင် ၂၀ အထိ အသီးသီးသတ်မှတ်ထားပြီး ပထမအကျော့အဖြစ် ရီးရဲအသင်းရဲ့ ဘာနေဗျူးမှာ ကစားခဲ့စဉ်တုန်းကတော့ ရီးရဲအသင်းက ၂-၁ ဂိုးနဲ့ အနိုင်ရရှိထားပါတယ်။
အခု ကစားမယ့် အာဆင်နယ်အသင်းနဲ့ ရီးရဲအသင်းတို့အနေနဲ့ ၂၀၀၅-၀၆ ဘောလုံးရာသီ ချန်ပီယံလိဂ် ၁၆ သင်းအဆင့်မှာ တွေ့ဆုံခဲ့ဖူးပြီး အာ ဆင်နယ်အသင်းက ၁-၀ ဂိုးနဲ့ အနိုင်ရရှိခဲ့ဖူးပါတယ်။