မှုံနံ့သာကျော်ရဲအောင်ဟာ ဖခင်ဖြစ်သူ ကျော်ရဲအောင်ရဲ့ ခွင့်ပြုချက်နဲ့ အနုပညာအလုပ်တွေ လုပ်လာရပြီဖြစ်လို့ ဝမ်းသာနေပါတယ်။ အခုဆိုရင်တော့ သရုပ်ဆောင် သက်မွန်မြင့်၊ ကောင်းပြည့်၊ ထွန်းကိုကို တို့နဲ့ ဇာတ်လမ်းတွဲရိုက်တော့မယ်လို့ သိရပါတယ်။ 

“ဖေကြီးကတော့ ဒီအလုပ်လုပ်မယ်ဆိုရင် အဓိက ကတော့ စိတ်ပေါ့နော်။ဘယ်လောက်အထိ Mood သွင်းနိုင်မလဲ၊ အိမ်မှာဆိုလည်း ဖေကြီး သင်ပြပေးတာတွေရှိတယ်။ ညီမက အခု ၁၀ တန်းပြီးသွားပြီဆိုတော့ သရုပ်ဆောင်အလုပ်လုပ်ဖို့ ခွင့်ပြုသွားပါပြီ။ အရင်တုန်းကဆို ဇာတ်ကားအရမ်းရိုက်ချင်တာ အခုတော့ ညီမရဲ့ ဆန္ဒတွေ ပြည့်ဝသွားတာပေါ့” လို့ဆိုပါတယ်။ 

Photo: Hmone Nathar

“ငယ်ငယ်တုန်းကဆို ဖေကြီး ဇာတ်ကားရိုက်ပြီဆိုရင် ဖြတ်လျှောက်လိုက်၊ ဟိုနား ဒီနားဆိုလည်း ပါတာပဲ၊ အခုတော့ ဇာတ်လမ်းတွဲရိုက်ရတော့မှာဖြစ်တဲ့အတွက် အရမ်းပီတိဖြစ်ရပါတယ်။ ဒီဇာတ်ကားရိုက်ဖို့ အတွက်လည်း ဖေကြီးကို လာပြောကြတယ်၊ ညီမကိုယ်တိုင်ကလည်း ဇာတ်လမ်းတွဲ တစ်ခါမှ မရိုက်ဖူးဘူး။ ကာရိုက်တာကတော့ အပြင်ပုံစံနဲ့ ကွာတယ်လေ” ဆိုပြီးတော့ ဖေဖော်ဝါရီလ ၇ ရက်နေ့မနက်ပိုင်းက “ရခဲ့သမျှ အရာရာ” ဆိုတဲ့ ရုပ်သံဇာတ်လမ်းတွု ကန်တော့ပွဲကို တက်ရောက်ရင်း ဖြေဆိုခဲ့တာပါ။ 

Photo: Hmone Nathar

မှုံနံ့သာကျော်ရဲအောင်ဟာ သူမရဲ့ အနုပညာအလုပ်တွေနဲ့ ပတ်သက်ပြီး ဖခင်ဖြစ်သူ ကျော်ရဲအောင်ဆီက လေ့လာသင်ကြားမှုတွေ ရှိခဲ့တယ်လို့ ဆိုပါတယ်။ 

“ အရင်တုန်းက ဇာတ်ကားတွေရိုက်ပြီဆိုရင် ဖေကြီးရှေ့မှာ သရုပ်ဆောင်ပြရတယ်။ ဒီဇာတ်ကားထဲက ကာရိုက်တာကိုတော့ သရုပ်မဆောင်ပြရသေးဘူး။ ဒါပေမယ့်လည်း ဖေကြီးက ပြောပြတာ၊ သင်ပြတာတွေတော့ ရှိပါတယ်။ ကိုယ့်ရဲ့ အရည်အချင်းတွေအပေါ် သုံးသပ်တာမျိုးတွေတော့ မရှိပါဘူး”လို့ ဆက်လက် ပြောပြလာပါတယ်။