အရှေ့တောင်အာရှမှာ COVID-19 ကူးစက်ခံရသူ ၅၄,၀၀၀ ကျော်ရှိလာပြီး သေဆုံးသူဦးရေ ၁,၈၀၀ ကျော်လွန်လာခဲ့ကြောင်း မေ ၇ ရက် ညပိုင်း တရားဝင် စာရင်းတွေအရ သိရှိရပါတယ်။

အရှေ့တောင်အာရှမှာ COVID-19 ကြောင့် သေဆုံးမှုအများဆုံးအဖြစ် အင်ဒိုနီးရှားနိုင်ငံမှာ မေ ၇ ရက် ညပိုင်းအထိ သေဆုံးသူ ၁,၀၀၀ နီးပါး (၉၃၀ ဦး) အထိ မြင့်တက်လာပါတယ်။ အင်ဒိုနီးရှားဟာ အရှေ့တောင်အာရှမှာ စင်ကာပူပြီးပါက ဒုတိယ ကူးစက်မှုအများဆုံး နိုင်ငံလည်းဖြစ်နေပါတယ်။

အင်ဒိုနီးရှားပြီးလျှင် အရှေ့တောင်အာရှဒေသတွင်း COVID-19 ကြောင့် သေဆုံးမှုအများဆုံးကိုတော့ ဖိလစ်ပိုင်နိုင်ငံမှာ တွေ့ရပြီး လက်ရှိအချိန်အထိ လူ ၇၀၀ နီးပါး (၆၈၅ ဦး) သေဆုံးခဲ့ပါတယ်။ ကူးစက်မှုအရေအတွက် ထောင်ဂဏန်းပမာဏရှိတဲ့ အခြား အရှေ့တောင်အာရှိ နိုင်ငံတွေကတော့ မလေးရှားမှာ ၆,၄၇၆ ဦးနဲ့ ထိုင်းမှာ ၂,၉၉၂ ဦး ဖြစ်ပါတယ်။

မေ ၇ ရက် ညပိုင်းအထိ အရှေ့တောင်အာရှဒေသတွင်း COVID-19 အခြေအနေ

• စင်ကာပူ - (ကူးစက် - ၂၀,၉၃၉၊ သေဆုံး - ၂၀၊ ပြန်လည်သက်သာ - ၁,၆၃၄)
• အင်ဒိုနီးရှား - (ကူးစက် - ၁၂,၇၇၆၊ သေဆုံး - ၉၃၀၊ ပြန်လည်သက်သာ - ၂,၃၈၁)
• ဖိလစ်ပိုင် - (ကူးစက် -ူ ၁၀,၃၄၃၊ သေဆုံး - ၆၈၅၊ ပြန်လည်သက်သာ - ၁,၆၁၈)
• မလေးရှား - (ကူးစက် - ၆,၄၇၆၊ သေဆုံး - ၁၀၇၊ ပြန်လည်သက်သာ - ၄,၇၇၆)
• ထိုင်း - (ကူးစက် - ၂,၉၉၂၊ သေဆုံး - ၅၅၊ ပြန်လည်သက်သာ - ၂,၇၇၂)
• ဗီယက်နမ် - (ကူးစက် - ၂၈၈၊ သေဆုံး - ၀၊ ပြန်လည်သက်သာ - ၂၃၃)
• မြန်မာ - ကူးစက် - ၁၇၆၊ သေဆုံး - ၆၊ ပြန်လည်သက်သာ - ၆၂)
• ဘရူနိုင်း - (ကူးစက် - ၁၄၁၊ သေဆုံး - ၁၊ ပြန်လည်သက်သာ - ၁၃၁)
• ကမ္ဘောဒီးယား - (ကူးစက် - ၁၂၂၊ သေဆုံး - မရှိ၊ ပြန်လည်သက်သာ - ၁၂၀)
• လာအို - (ကူးစက် - ၁၉၊ သေဆုံး - ၀၊ ပြန်လည်သက်သာ - ၉)
• အရှေ့တီမော - (ကူးစက် - ၂၄၊ သေဆုံး - ၀၊ ပြန်လည်သက်သာ - ၂၀)

စုစုပေါင်း အရေအတွက် - (ကူးစက် - ၅၄,၂၉၆၊ သေဆုံး - ၁,၈၀၄၊ ပြန်လည်သက်သာ - ၁၃,၇၅၆)