အခုလောလောဆယ်မှာ နောက်ထပ် ရည်းစားထားဖို့ထက် အနုပညာအလုပ်တွေကို အောင်မြင်အောင် လုပ်ချင်သေးတယ်လို့ ရင်ဖွင့်ထားပါတယ်။

Myanmar Idol Season 4 ကနေ ပရိသတ်တွေရဲ့ အားပေးမှု ရရှိလာတဲ့ အဆိုတော် နေလင်းကျော်ကတော့ လူမှုကွန်ယက်ဖေ့စ်ဘွတ်စာမျက်နှာပေါ်မှာ ပြန့်နေတဲ့ သတင်းနဲ့ ပတ်သက်ပြီး ပြန်ဖြေရှင်းခဲ့တာ ဖြစ်ပါတယ်။ အိမ်ထောင်ရှိတယ်ဆိုတဲ့ သတင်းတွေအပေါ် နေလင်းကျော်က “ကျွန်တော် အိမ်ထောင် မပြုရသေးပါဘူး။ single ပဲ ရှိပါသေးတယ်” လို့ ဆိုပါတယ်။

Photo : Nay Lin Kyaw

“ချစ်သူကတော့ မရှာသေးပါဘူး။ ဘာပဲဖြစ်ဖြစ် တချို့ အရာလေးတွေကျွန်တော်မေ့လို့မရတာရှိတယ်။ ပြီးတော့ အနုပညာအလုပ်တွေ လုပ်ချင်သေးတယ်။ မအောင်မြင်သေးဘူး ကျွန်တော်အချစ်ရေးနဲ့ ပတ်သက်ပြီး သိပ်မစဥ်းစားသေးပါဘူး” လို့ သူက ဆက်လက်ပြောပြခဲ့ပါတယ်။

Photo : Nay Lin Kyaw

နေလင်းကျော်ကိုတော့ Myanmar Idol (Season-4) သီချင်းဆိုပြိုင်ပွဲဝင်တစ်ယောက်အဖြစ် ပရိသတ်တွေ စတင်သိရှိခဲ့တာဖြစ်ပါတယ်။ ဒီ သီချင်းဆိုပြိုင် ပွဲမှာ တော့ Top-10 အထိ ပါဝင်ခွင့်ရခဲ့သူဖြစ်ပါတယ်။ နိုဝင်ဘာလ ၁၆ ရက်နေ့က ကျင်းပခဲ့တဲ့ Top-10 ( 3rd Week )Result Show မှာတော့ သူဟာ နှုတ်ဆက်ထွက်ခွာခဲ့ရသူ တစ်ယောက်ပါ။