နှစ်ဖက်အသင်းသတင်းများ

- လီဗာပူးလ်အသင်းမှာ ဂိုးသမားအယ်လစ်ဆန် နဲ့ ကွင်းလယ်လူ ကီတာတို့ ဒဏ်ရာကြောင့် လွဲချော်ဦးမှာဖြစ်ပါတယ်။

- မက်ဇီမင်၊ ရစ်ချီ၊ ဒွိုက်ဂေးလ်၊ ယက်ဒ်လင်တို့လည်း ဒဏ်ရာအသီးသီးရရှိနေပြီး လွဲချော်ဖွယ်ရှိနေပါတယ်။

- တိုက်စစ်မှူးအန်ဒီကာရိုးလ်ကတော့ အသင်းဟောင်းလီဗာပူးလ်နဲ့ ရင်ဆိုင်ရမှုမှာ ပါဝင်လာဖွယ်ရှိပါတယ်။

ထူးခြားအချက်အလက်များ

- ပရီးမီးယားလိဂ်မှာ ၁၄ပွဲဆက်တိုက် နိုင်ပွဲရရှိတဲ့ အသင်းတွေအဖြစ် အာဆင်နယ်၊ မန်စီးတီး (၂)ကြိမ် တို့ စွမ်းဆောင်နိုင်ခဲ့ပြီး တတိယမြောက်အသင်းဖြစ်လာဖို့ လီဗာပူးလ်က အခွင့်အရေးရှိနေပါတယ်။

- လီဗာပူးလ်ဟာ နယူးကာဆယ်နဲ့ ရင်ဆိုင်ခဲ့တဲ့ နောက်ဆုံးအိမ်ကွင်းပွဲ ၂၃ပွဲကို ရှုံးပွဲမရှိခဲ့ပဲ ၁၉ပွဲအနိုင်ရကာ ၄ပွဲသရေကျခဲ့ပြီး ၅၈ ဂိုးသွင်းယူနိုင်ခဲ့ကာ ၁၂ပွဲကပေးဂိုးမရှိခဲ့ပါဘူး။

- ၂၀၁၅ ဒီဇင်ဘာကစပြီး နယူးကာဆယ်ဟာ လီဗာပူးလ်ကို အနိုင်မရရှိခဲ့တော့ပဲ သရေနှစ်ပွဲကျကာ သုံးပွဲအရေးနိမ့်ခဲ့ပါတယ်။

- နယူးကာဆယ်ကို ပရီးမီးလိဂ်ဂိုးစုစုပေါင်း ၉၈ ဂိုးအထိ လီဗာပူးလ်က သွင်းယူနိုင်ခဲ့ပြီး ပြိုင်ဘက်အသင်းတစ်သင်းတည်းကို ဂိုးပေါင်း ၁၀၀ ပြည့်အောင် သွင်းနိုင်တဲ့ တတိယမြောက်အသင်းဖြစ်လာဖို့ အခွင့်အလမ်းရှိနေပါတယ်။ အာဆင်နယ် နဲ့ ယူနိုက်တက်တို့က အဲဗာတန်ကို ဂိုးပေါင်း

၁၀၀နဲ့အထက် သွင်းယူထားပြီးဖြစ်ပါတယ်။

ဖြစ်နိုင်ဖွယ်လူစာရင်း

ခန့်မှန်းချက်

- လီဗာပူးလ်က ရာသီသစ်မှာ လေးပွဲစလုံးကို အနိုင်ရရှိထားပါတယ်။ အိမ်ကွင်းမှာဆိုရင် ပိုပြီးတော့ ခြေစွမ်းပြတတ်ပြီး ဘယ်လိုအသင်းကိုမဆို ချေမှုန်းနိုင်တဲ့ စွမ်းရည်လည်း လီဗာပူးလ်မှာ ရှိနေပါတယ်။ ကစားသမားအင်အားရော၊ ခြေစွမ်းပိုင်းမှာပါ လီဗာပူးလ်က အပြတ်အသတ် အသာစီးရရှိနေပြီး ထိပ်တိုက်တွေ့ဆုံမှုမှာလည်း သိသိသာသာကို ကောင်းမွန်နေတာကြောင့် နယူးကာဆယ်အတွက်တော့ အန်ဖီးလ်ကနေ အမှတ်ဗလာနဲ့ပဲ အိမ်ပြန်ရဖို့ ရှိနေပါတယ်။ လီဗာပူးလ် ဂိုးပြတ်နိုင်ပွဲပါ ရရှိသွားနိုင်ပါတယ်။