မြတ်နိုးအေးကတော့ COVID-19 ကာလမှာ ရိုက်လက်စ ဇာတ်ကားတွေ ရပ်နားထားတာ ကြောင့် အိမ်မှာ နေရတဲ့ အချိန်မှာ တစ်နေ့တာ ဖြတ်သန်းမှုလေးတွေ အကြောင်းပြောပြလာပါတယ်။ 

သရုပ်ဆောင် မြတ်နိုးအေးကတော့ COVID-19 ကာလမှာ ဇာတ်ကားရိုက်တာတွေ ရပ်ထားရတယ်လို့ ဆိုပါတယ်။ ဒါကြောင့် Stay Home ကာလမှာ အလုပ်နဲ့ ပတ်သက်တဲ့အရာလေးတွေ လေ့ကျင့်နေတယ်လို့ Duwun ကို ပြောပြလာပါတယ်။ 

“ Stay Home ကာလမှာဆိုရင် မလုပ်လိုက်ရတာတွေ အများကြီးပဲ အခုရိုက်နေတဲ့ ‘ Yangon In Love’ ဆိုရင် Covid ဖြစ်သွားတယ် ဆိုတော့ မရိုက်ရတော့ဘူး။ ပြီးတော့ '‘လိပ်ပြာ" ဇာတ်လမ်းတွဲ မရိုက်လိုက်ရဘူး။ အခုတော့ အိမ်မှာပဲ ဇာတ်ညွှန်းတွေ ဖတ်တယ်၊ ကာရိုက်တာတွေ လေ့ကျင့်ဖြစ်တယ်”လို့ သူကဆိုပါတယ်။ 

မြတ်နိုးအေး ကတော့ အနုပညာအလုပ်နဲ့ ပတ်သက်လာရင် အတွေ့အကြုံမများသေးတဲ့ အနုပညာရှင်တစ် ယောက်လို့ ဆိုရမှာပါ။ သူမအတွက် အခက်အခဲ ရှိတဲ့ အရာတွေကိုလည်း အခုလို ပြောပြလာပါသေးတယ်။ 

“ ကိုယ်အနုပညာအလုပ်တွေ လုပ်တဲ့အချိန်မှာ အခက်အခဲ အများကြီးတော့ မရှိခဲ့ပါဘူး။ အိမ်ကလည်း Supporting အရမ်းလုပ်ပေးတယ်။ ကိုယ်နဲ့ အလုပ် အတူတွဲလုပ်ရတဲ့ စီနီယာတွေကလည်း အမြဲတမ်း လက်တွဲခေါ်ပေးကြတဲ့အတွက် ထွေထွေထူးထူး မရှိပါဘူး။ ညီမအတွက် ခက်ခဲမှုတစ်ခုကတော့ dialogue တွေ ပြောရတဲ့အခါမှာ ကိုယ်က ဘိတ်သူဖြစ်တဲ့အတွက် စကားပြောတာလေးတွေကတော့ အခက်အခဲရှိတယ်” လို့ ဆိုပါတယ်။ 

Photo: Myat Noe Aye

COVID-19 ကာလပြီးသွားရင်တော့ မြတ်နိုးအေးက အနုပညာအလုပ်တွေ ပြန်လည် လုပ်ကိုင်သွားမယ်လို့ ဆိုပါတယ်။ ရိုက်လက်စ ဇာတ်ကားတွေ လည်းရှိသေးတယ်လို့ သူက ပြောပါတယ်။ 

Photo: Myat Noe Aye

မြတ်နိုးအေးကိုတော့ “ည” ရုပ်ရှင်ဇာတ်ကား ကနေ စတင်ပြီး ပရိသတ်တွေ အားပေးခဲ့တာဖြစ်ပါတယ်။ အဲဒီနောက် “သူစိမ်းအိမ်” ရုပ်ရှင်ဇာတ်ကားရုံတင်ပြီးတဲ့နောက်မှာလည်း ပရိသတ်တွေရဲ့ အချစ်ကို ပိုမို ပိုင်ဆိုင်လာခဲ့သူဖြစ်ပါတယ်။ ရိုက်ကူးလက်စဖြစ်နေတဲ့ " လိပ်ပြာ (Season-2)" မှာတော့ သူမကို မှုခင်းဆရာဝန်မလေး တစ်ယောက်အဖြစ် မြင်တွေ့ရမှာပါ။ မြတ်နိုးအေးဟာ တက်သစ်စ လူငယ်အနုပညာရှင်တွေ ထဲမှာ ပရိသတ်အခိုင်အမာနဲ့ ရပ်တည်လာတဲ့ သရုပ်ဆောင် တစ်ယောက်ဖြစ်ပါတယ်။