စမိုင်းလ်ကတော့ မွေးနေ့ အမှတ်တရဂိမ်းတွေ ကစားရင်း ပရိသတ်တွေကိုလည်း ဆုကြေးငွေတွေချီးမြှင့်နေတာ တွေ့ရပါတယ်။  

စမိုင်းလ်ဟာ အသက်(၃၆) နှစ်ပြည့် မွေးနေ့ အတွက် ငွေကျပ်သိန်း(၃၆၀)ဖိုး အလှူအတန်းတွေ လုပ်သွားမယ်လို့ သိရပါတယ်။ ဒီ သိန်း(၃၆၀) ကျပ်ထဲမှာမှ ဇွန်လ ၂၀ ရက်နေ့တုန်းက မြန်မာနိုင်ငံ ရုပ်ရှင်အစည်းအရုံး ကနေတဆင့် အနုပညာလောကသားတွေအတွက် ငွေကျပ်သိန်း(၆၀) လှူဒါန်းခဲ့တာ ဖြစ်ပါတယ်။ ကျန်ရှိနေတဲ့ ငွေကျပ်သိန်း(၃၀၀) ထဲကနေ ရန်ကင်းကလေးဆေးရုံကြီးအတွက် သိန်း(၁၄၀) တန်ဖိုးရှိ အသက်ရှုစက် တစ်လုံးလှူဒါန်းခဲ့ပြီး ဒေါ်ခင်ကြည်ဖောင်ဒေးရှင် အတွက် ငွေကျပ်(၃၆) သိန်းနဲ့ ပရိသတ်အယောက်(၁၀၀၀) အတွက်ကိုလည်း ဖုန်းဘေ(၃၆၀၀) စီ လှူဒါန်းခဲ့တယ်လို့ သိရပါတယ်။ 

Photo: Smile

စမိုင်းလ်ဟာ ၂၀၂၀ ခုနှစ်၊ ဇွန်လ ၂၂ ရက်မှာ အသက်(၃၆) နှစ်ပြည့်မှာပါ။ မွေးနေ့ အမှတ်တရ အနေနဲ့ ဂိမ်းတွေ ဆော့နေရင်း Surprise အဖြစ် ခင်ပွန်းဖြစ်သူကပေးတဲ့ စိန်တစ်ဆင်စာမွေးနေ့ လက်ဆောင်လည်း ရရှိခဲ့ပါသေးတယ်။ သူမကို ချစ်ခင်အားပေးကြတဲ့ ပရိသတ်တွေ၊ မိတ်ဆွေ အပေါင်းအသင်းတွေကလည်းကြိုတင် မွေးနေ့ ဆုတောင်းစကားတွေ ပြောခဲ့ပါတယ်။ သူမကတော့ လက်ရှိမှာ ကိုယ်ပိုင်စီးပွားရေး လုပ်ငန်းတွေကို ခင်ပွန်း နဲ့ အတူ လုပ်ဆောင်နေတာ တွေ့ရပါတယ်။ အဲဒီနောက် စမိုင်းလ် ရုပ်ရှင်ထုတ်လုပ်ရေးကိုလည်း တည်ထောင်ထားသူတစ်ယောက်ဖြစ်ပါတယ်။