လင်းလင်းနဲ့ ချစ်သုဝေတို့ မိသားစုလေးကတော့ သူတို့တတ်နိုင်တဲ့ဘက်က လူတွေကို အကူအညီပေးလျက်ရှိပါတယ်။

အလှူအတန်းနဲ့ ပတ်သက်လာရင် လက်မနှေးတတ်တဲ့ လင်းလင်းနဲ့ ချစ်သုဝေက ခွဲစိတ်ကုသဖို့ငွေကြေးလိုအပ်နေတဲ့ လူနာတစ်ဦးအတွက် အလှူငွေ (၁၃)သိန်းကို လှူဒါန်းခဲ့ပါတယ်။ တင်ပါးအဆစ်အစားထိုးခွဲစိတ်ဖို့လိုအပ်နေတဲ့ လှယမင်းဆိုတဲ့ကောင်မလေးအတွက် လှူဒါန်းခဲ့တာလည်း ဖြစ်ပါတယ်။

သူတို့စုံတွဲရဲ့ လှူဒါန်းမှုနဲ့ ပတ်သက်ပြီး မန္တလေးမြို့က လူနာကူညီရေးအသင်းက ကျေးဇူး တင်စကား ပြောထားတာ တွေ့ရပါတယ်။

လင်းလင်းတို့ဘက်ကလည်း သူတို့လူဒါန်းမှုလေးနဲ့ပတ်သက်ပြီး ယခုလို ပြောထားပါသေးတယ်။

“လူထုခေါင်းဆောင်သွားနေတဲ့ မေတ္တာလမ်းမှာနိုင်သလောက်ယူတဲ့ တာဝန် ပါ။သမီးလေးလှယမင်း အစစအရာရာ အဆင်ပြေပါစေ,,

ကိုဝမ်း လဲ စိတ်ချမ်းသာ အပူကင်းစွာနဲ့ အများကျိုး သယ်ပိုးနိုင်ပါစေ”ဆိုပြီး လင်းလင်းက သူ့ရဲ့ ဖေ့စ်ဘွတ်မှာ နိုဝင်ဘာ(၁၉) ရက်နေ့က ရေးသားထားတာတွေ့ရပါတယ်။

Photo : လင်းလင်း

လင်းလင်းတို့ဇနီးမောင်နှံရဲ့ လှူဒါန်းမှုနဲ့ ပတ်သက်ပြီး ပရိသတ်တွေကလည်း ကြည်နူးလို့ နေကြပါတယ်။လင်းလင်းနဲ့ ချစ်သုဝေတို့ဟာ သမီးလေးတွေရဲ့ နာမည်နဲ့ “ခေတ်သစ်”ဖောင်ဒေးရှင်းဆိုတာကို တည်ထောင်ထားပြီး မွေးရာပါ နှလုံးရောဂါရှင် ကလေးတွေအတွက်ကိုလည်း ခွဲစိတ်ကုသမှုတွေ ပြုလုပ်ပေးလျက်ရှိပါတယ်။

Photo : လင်းလင်း

ချစ်သုဝေ(Chit Thu Wai) ဟာ အဆိုတော်တစ်ယောက်အဖြစ် အနုပညာလောကထဲကို စတင်ဝင်ရောက်လာ တာဖြစ်ပါတယ်။ အဲ့ဒီနောက် သရုပ်ဆောင်တစ်ဦး အဖြစ်နဲ့ပါ ရပ်တည်ခဲ့ပါသေးတယ်။ ၂၀၁၄ ခုနှစ်မှာတော့ အဆိုတော် လင်းလင်းနဲ့ လက်တွဲပြီး အိမ်ထောင်တစ်ခု တည်ဆောက်ခဲ့ကာ ၂၀၁၇ ခုနှစ်မှာ ချစ်စရာကောင်းတဲ့ အမြွှာသမီးလေးတွေဖြစ်တဲ့ မေမြန်မာသစ်နဲ့ မေမြန်မာခေတ်တို့ကို မွေးဖွားခဲ့ပါတယ်။