ကုသိုလ်ရေးနဲ့ ပတ်သက်လာရင် အလှူအတန်းတွေ အဆက်မပြတ်ဆောင်ရွက်နေတဲ့ ထူးအယ်လင်းက အခက်အခဲ၊ အတားအဆီးမရှိ အောင်အောင်မြင်မြင် လှူဒါန်းခွင့်ရခဲ့တဲ့ ပီတိကို ဖွင့်ဟပြောပြလာပါတယ်။

ထူးအယ်လင်းက လက်ရှိမှာ ပရဟိတအလုပ်တွေ ဆက်တိုက်ဆောင်ရွက်နေသူဖြစ်ပါတယ်။ သူ့ရဲ့ ကုသိုလ်အလှူမှာလည်း အတားအဆီး၊ အခက်အခဲမရှိ အောင်အောင်မြင်မြင်လှူနိုင်တန်းနိုင်ခဲ့တဲ့ အမှတ်တရတွေကို ပြောပြထားပါတယ်။

‘’ဒို့တွေ သွားခဲ့ကြ လှူခဲ့ကြတဲ့နေရာ ရပ်ရွာမှန်သမျှ ဒို့အားလုံးအလှူရှင်များရဲ့ အမျိုးအဆွေ တစ်ယောက်မှမပါကြတာ အလှူရှင်တွေအသိဆုံးမို့လို့ စစ်မှန်သော အတ္တမပါတဲ့ ဒါနအလှူကြောင့် အလှူပြုတဲ့နေရာတိုင်းမှာ အဆင်ပြေ အောင်မြင်ခဲ့ကြတယ်’’လို့ ဆိုပါတယ်။

အဲဒီနောက် ထူးအယ်လင်းက သူ့ရဲ့ အလှူမှာ ပါဝင်ပေးခဲ့ကြတဲ့ အလှူရှင်တွေကိုလည်း ကျေးဇူးတင်စကား ဆိုခဲ့ပါသေးတယ်။ ကိုယ်ကျိုးစွန့်ပြီး လှူရတန်းရတာကြောင့်လည်း ဝမ်းသာပီတိဖြစ်မိတယ်လို့ ဖေဖော်ဝါရီလ ၂၁ ရက်နေ့ မနက် ၁ နာရီ ၂၁ မိနစ်က သူ့ရဲ့ ဖေ့စ်ဘွတ်မှာရေးသားခဲ့ပါတယ်။

‘’ကိုယ့်သက်သာရာ သက်သာကြောင်းကို မနေပဲ ကိုယ်ကျိုးစွန့်လွတ်ပြီး လိုအပ်တာထက်( ပို၍လိုအပ်သော)နေရာဒေသတွေမှာ သွားရောက်လှူဒါန်းလုပ်ကိုင်ကြတဲ့ လုပ်အားဒါန ငွေအားဒါန အဖက်ဖက်က ပံ့ပိုးကူညီလှူဒါန်းကြတဲ့ အလှူရှင် ခုနှစ်ရက်သားသမီး(ရာဟုသားသမီးအပါ) အလှူ့ရှင်အပေါင်းတို့ကို အကြီးရီး ကျေးဇူးတင်ပြီး လေးစားရပါတယ်ဗျာ’’လို့ သူကဆိုပါတယ်။

Photo: Htoo El Linn

ထူးအယ်လင်းဟာ တကယ်လိုအပ်တဲ့ နေရာဒေသတွေမှာ သွားရောက်လှူဒါန်းမှုတွေ လုပ်ခဲ့တဲ့ ပီတိတွေကိုလည်း အခုလို ပြောပြထားပါတယ်။

‘’ပကာသနအလှူမဟုတ်တဲ့အတွက်ကြောင့် ရိုးရှင်းစွာနဲ့ လှူခဲ့ကြတဲ့နေရာတိုင်းမှာ အလှူတစ်ခုပြီးတိုင်း ပီတိတွေနှင့်အတူ ကိုယ့်ရပ်ဌာနေအိမ်အပြန်တိုင်း ပျော်ရွှင်ခဲ့ကြရတယ် ။အတ္တကိုရှေ့တန်းတင်ပြီး စွန့်လည်း မစွန့်လွှတ်နိုင်ပဲပြုလုပ်သော ဘာသာရေး လူမှူရေးတွေက ဘာအကျိုးမှ မရှိဘူး။ ဒါကြောင့် ပကာသနအလှူနှင့်ဒါနအလှူခွဲခြားထားပါတယ်’’ လို့ ဆက်လက်ပြောပြခဲ့ပါတယ်။

Photo: Htoo El Linn

ထူးအယ်လင်း(Htoo El Lin)ဟာ လက်ရှိမှာ ဂီတအလုပ်တွေထက် ပရဟိတအလုပ်တွေကို စွမ်းစွမ်းတမံ လုပ်နေသူဖြစ်ပါတယ်။ သူ့အနေနဲ့ မီးဘေးသင့်ဒေသတွေသာမက ရေဘေးသင့်ဒေသတွေ၊ မီးသဂြိုဟ်စက် လိုအပ်တဲ့နေရာတွေ၊ လူနာတင်ယာဉ် လိုအပ်တဲ့နေရာတွေမှာလည်း လှူဒါန်းမှုတွေ ပြုလုပ်ခဲ့ပါသေးတယ်။