နေမျိုးအောင်က ဒီနေ့မှာ သားတွေနဲ့အတူ သာသနာ့ဘောင်ဝင်ခဲ့ပါတယ်။ သိက္ခာထပ်၊ ရဟန်းခံ ရှင်ပြုအလှူတော်ကို သစ်တံခါး ဆရာတော်ကျောင်းမှာ ပြုလုပ်ခဲ့တာပါ။
Photo : နေမျိုးအောင်
ဒီနေ့ (မေလ၆ရက်)မှာ သရုပ်ဆောင် နေမျိုးအောင်ဟာ သားနှစ်ယောက်နဲ့အတူ သာသနာ့ဘောင်ထဲသို့ ဝင်ရောက်ခဲ့ပါတယ်။ သားအကြီး မောင်မင်းထိုက်၊ သားငယ် ခိုင်ခန့်ကိုကိုတို့နဲ့အတူ လှိုင်သာယာ၊ သစ်တံခါးကျောင်းတိုက်မှာ သိက္ခာထပ် ရဟန်းခံရှင်ပြုအလှူတော် ပြုလုပ်ပြီး သာသနာ့ဘောင်ထဲဝင်ခဲ့တာ ဖြစ်ပါတယ်။ မိသားစု အလှူပုံရိပ်တွေကိုလည်း နေမျိုးအောင်ရဲ့ ဖေ့စ်ဘွတ်မှာတင်ထားတာ တွေ့ရပါတယ်။
Photo : နေမျိုးအောင်
နေမျိုးအောင်တို့ရဲ့ မိသားစုပုံလေးတွေကို ကြည့်ပြီး ပရိသတ်တွေလည်း ကြည်နူးလို့ နေကြပါတယ်။ သရုပ်ဆောင်နေမျိုးအောင်ရဲ့ သားဖြစ်သူ မင်းထိုက်ကတော့ ဖခင်လိုပဲ သရုပ်ဆောင် ဝါသနာပါသူ တစ်ယောက်ပါ။ မင်းထိုက်ဟာ ၂၀၁၉ ခုနှစ် ဧပြီလ ၅ ရက်နေ့မှာ ကျင်းပပြုလုပ်တဲ့ Star Awards ဆုရွေးချယ်ပွဲမှာ ဗန်းကိုင် တစ်ဦးအဖြစ်ပါဝင်ခဲ့ပြီး ပရိသတ်တွေရဲ့ သတိထားခြင်းကို ခံခဲ့ရသူ ဖြစ်ပါတယ်။ သူဟာ လက်ရှိမှာတော့ ဖခင်ဖြစ်သူ နေမျိုးအောင်နဲ့အတူ ရုပ်ရှင်ဇာတ်ကားတွေ ရိုက်ကူးနေတာကို တွေ့ရပါတယ်။
Photo : နေမျိုးအောင်
နေမျိုးအောင်ဟာ အက်ရှင်မင်းသားတစ်ယောက်အဖြစ် နယ်ပရိသတ်အားပေးမှု နဲ့ အောင်မြင်ခဲ့တဲ့ မင်းသားတစ်ယောက်ဖြစ်ပါတယ်။ အခုဆိုရင် ရန်ကုန်ပရိသတ်တွေရဲ့ အားပေးမှုလည်း ရရှိနေတာဖြစ်ပြီး ရုပ်ရှင်ဇာတ်ကားကြီးတွေလည်း ရိုက်ကူးနေရပါတယ်။ အဲ့ဒီနောက် ကိုယ်ပိုင်စီးပွားရေးမှာလည်း ဦးဆောင်နေတာကို တွေ့ရပါတယ်။