Photo - Daily Express

အခါးသီးဆုံး ပြိုင်ဘက်အသင်းရဲ့ ဂျာစီကို ကိုယ်စီဝတ်ဆင်ခဲ့ရတဲ့ နဗီးလ် နဲ့ ကာရေဂါ 

ဗန်ဒိုက်ရဲ့ လီဗာပူး အသင်းအနေနဲ့ ယခုနှစ် ပရီးမီးယားလိဂ်မှာ ၂ ပွဲ ကစားပြီးချိန်မှာ ပေးဂိုး လုံး၀ မရှိသေးတဲ့ တစ်သင်းတည်းသော အသင်း ဖြစ်ပါတယ်။

Photo - ScoreScan

ဒါကြောင့် အကောင်းဆုံး နောက်တန်းမှာ အကောင်းဆုံး ဦးဆောင်ပေးနေတဲ့ ဗန်ဒိုက်ကို ကာရေဂါက ချီးကျူးပြောဆိုခဲ့တာလည်း ဖြစ်ပါတယ်။

မနက်က ပဲလေ့စ်ကို ၂-၀ ဂိုးနဲ့ အနိုင်ရခဲ့တဲ့ ပွဲအပြီးမှာတော့ -" ပေးဂိုးမရှိ ရလဒ်နဲ့ အနိုင်ရဖို့ဆိုတာ ဘယ်လောက် ခက်ခဲမလဲဆို အားလုံး သိပါ တယ်။" လို့ ဗန်ဒိုကက ဆိုခဲ့တာ ဖြစ်ပါတယ်။

Photo - PressFrom

ဗန်ဒိုက်ကို လီဗာပူးအသင်းက ဆောက်သမ်တန်အသင်းထံကနေ ပြီးခဲ့တဲ့ ဇန်နဝါရီဈေးကွက်တုန်းက ပြောင်းရွှေ့ကြေး ပေါင် ၇၅ သန်းနဲ့ ခေါ်ယူ ထားတာ ဖြစ်ပြီး မနှစ်က ရာသီမှာ ချန်ပီယံလိဂ် ဗိုလ်လုပွဲအထိ တက်လှမ်းနိုင်ခဲ့ပါတယ်။

" ဗန်ဒိုက်က ကျွန်တာ် မှန်းထားတာထက်ကို ပိုကောင်းပါတယ်။ကျွန်တော်တို့ အမြဲပြောလေ့ရှိတာက လီဗာပူးရဲ့ ခံစစ်ကြောင့် ပရီးမီးယားလိဂ် ဖလား မရနိုင်ဘူးလို့ ပြောလေ့ရှိပါတယ်။ဒါပေမယ့်အခုတော့ လီဗာပူးမှာ ဗန်ဒိုက်ရှိနေပါပြီ။သေချာပါတယ်ဗန်ဒိုက်က ပရီးမီးယားလိဂ်ရဲ့ အကောင်းဆုံးဗဟိုခံစစ်မှူးပါပဲ။" ကာရေဂါက ညွှန်းဆိုခဲ့ပါတယ်။

Photo - Twitter

ဆက်လက်ပြီး လွန်ခဲ့တဲ့ ၄ နှစ်လောက်က အကောင်းဆုံးခြေစွမ်းတွေနဲ့ မန်စီးတီးအသင်းကို စွမ်းဆောင် ဦးဆောင်ပေးခဲ့တဲ့ ကွန်ပနီနဲ့လည်း ဗန် ဒိုက်ကို ခိုင်းနှိုင်းချီးကျူးခဲ့ပြန်ပါတယ်။

" လာမယ့် ၃ နှစ်နဲ့ ၄ နှစ်အတွင်း လီဗာပူး ပရီးမီးယားလိဂ် (သို့)ချန်ပီယံလိဂ် ရခဲ့မယ်ဆိုရင် ဗန်ဒိုက်က အသင်းရဲ့ မှတ်ကျောက်တင်ခြင်း ခံရသင့် ပါတယ်။ဒီအသင်းကိုလည်း သမိုင်းတစ်လျှောက် မှတ်တမ်းတင်သင့်ပါတယ်။ဗန်ဒိုက်လို ဘောလုံးအထိန်းအသိမ်း၊အပေးအပို့၊အစစအရာရာ ကောင်းမွန်တဲ့ နောက်တန်းတစ်ယောက်ကို ပိုင်ဆိုင်ထားတာ အားရှိစရာပါပဲ။သူက အသင်းရဲ့ ဂန္တဝင် ဖြစ်လာမှာပါ။" လို့ ကာရေဂါက ပြောဆို ခဲ့ပါတယ်။

လီဗာပူးအသင်းကတော့ လက်ရှိမှာ နှစ်ပွဲကစား နှစ်ပွဲနိုင် ရဂိုး ၆ ဂိုး ပေးဂိုး လုံးဝမရှိပဲ ရမှတ် ၆ မှတ်ရရှိကာ ပရီးမီးယားလိဂ် အဆင့် ၂ နေရာမှာ ရပ်တည်နေပါတယ်။