“ ဒီကနေ့ရုံးချိန်းရဲ့ တရားခွင်ကြားနာစစ်ဆေးမှုမှာ တရားလိုပြ သက်သေ (၃)ဦးကို စစ်ဆေးဖို့ရှိရာမှာအမှုလိုက်ဥပဒေအရာရှိကနေ တရားလိုပြသက်သေ မဇင်မာလွင်ကို လိုပြသက်သေအဖြစ်က ပယ်ပျက်ခဲ့လို့ စစ်ဆေးခဲ့ခြင်းမရှိပါဘူး။ ဒီကနေ့ရုံးချိန်းမှာ လိုပြသက်သေထဲက ဦးမင်းဌေး (ခေါ်)မျိုးကြီးနဲ့အမှုစစ် ဒု-ရဲမှူးစိုးနိုင်တို့ကိုသာ စစ်ဆေးခဲ့ပါတယ်”လို့ မရမ်းကုန်းမြို့နယ်တရားသူကြီး ဦးမိုးဆွေက မီဒီယာတွေကိုပြောပါတယ်။

ဒီကနေ့ရုံးချိန်းမှာ လိုပြသက်သေအဖြစ်မှ ပယ်ဖျက်ခံခဲ့ရတဲ့ မဇင်မာလွင်က အဆိုတော်မျိုးကြီးရဲ့ ဇနီးလည်းဖြစ်ပါတယ်။ ဒေးဗစ်လားတို့ အမှုမှာ တရားလိုပြ သက်သေ (၁၄)ဦး ထိတင်ထားခဲ့ရာ (၂)ဦးကိုပယ်ချခဲ့ပြီး ကျန်(၁၂)ကိုတော့ အားလုံးစစ်ဆေးပြီးသွားပါပြီ။

နှစ်ဖက်လျှောက်လွဲချက်ပေါ်မူတည်ပြီး စွဲချက်တင်မှာဖြစ်လို့ အချိန်ကာလတစ်ခုအနေနဲ့ နောက်ရုံးချိန်းကို ဇွန်လ (၃၀)ရက်နေ့မှပြန်လည်ချိန်းဆိုခဲ့တယ်လို့ သိရပါတယ်။