Photo : Sportbible

မော်ရင်ဟိုဘက်က ကာကွယ်ရပ်တည်ပေးခဲ့တဲ့ လူကာကူ 

Photo : These Football Times

ပေါလ်စခိုးလ်အနားယူသွားချိန်မှာတော့ မန်ယူနည်းပြကြီး ဖာဂူဆန်ဟာ စခိုးလ်ရဲ့ နေရာကို အစားထိုးဖို့အတွက် ကစားသမားတွေ ရှာဖွေနေခဲ့ပြီး ဆာအဲလက်စ်ဖာဂူဆန်ဟာ ဂျာမနီကစားသမားတွေဖြစ်တဲ့ ဂန်ဒိုဂန်ကို အသင်းကို ခေါ်ယူဖို့အတွက် စိတ်ဝင်စားခဲ့တယ်လို့ သိရပါတယ်။ မန်ယူအသင်းရဲ့ နည်းပြအဖွဲ့ဝင်ဟောင်း မူလန်စတင်းက Evening Standard ကို ဖွင့်ဟပြောဆိုသွားခဲ့တာလည်း ဖြစ်ပါတယ်။

မန်ယူအသင်းဟာ ဂန်ဒိုဂန် နဲ့ မာကိုရူးစ်တို့ကို ခေါ်ယူဖို့ စောင့်ကြည့်နေခဲ့ပြီး ပေါလ်စခိုးလ်ရဲ့နေရာကို အစားထိုးဖို့ ပြင်ဆင်ခဲ့တာဖြစ်ပါတယ်။ "အဲဒီတုန်းက ဒေါ့မွန်ကစားသမားတွေဖြစ်တဲ့ ဂန်ဒိုဂန် နဲ့ မာကိုရူးစ်တို့ကို ကျွန်တော်တို့ စောင့်ကြည့်ခဲ့တာပါ၊ အထူးသဖြင့် ဂန်ဒိုဂန်ပေါ့၊သူက ပေါလ်စခိုးလ်လို ကစားသမားမျိုးပါပဲ"

Photo : 101 great goal

"ဘောလုံးအထိန်းအသိမ်း ကျွမ်းကျင်ပြီး ပွဲရဲ့ အရှိန်အဟုန်ကို အတင်အချပြုလုပ်ရမှာ ထူးချွန်သူပါ" လို့ မြူလန်စတင်းက ဖွင့်ဟခဲ့ပါတယ်။ ဒါပေမယ့်လည်း မန်ယူအသင်းဟာ ဂန်ဒိုဂန်ကို မခေါ်ယူနိုင်ခဲ့ပဲ နောက်တစ်နှစ်မှာတော့ ဖာဂူဆန်ဟာလည်း မန်ချက်စတာယူနိုက်တက် အသင်းနည်းပြအဖြစ်ကနေ အနားယူသွားခဲ့ပါတယ်။

Photo : Sportbible

ဂန်ဒိုဂန်ကတော့ လက်ရှိမှာ မန်ယူအသင်းရဲ့ မြို့ခံပြိုင်ဘက်အသင်း မန်စီးတီးမှာ လာရောက်ကစားနေပြီး ခြေစွမ်းပြနေသူ ဖြစ်ပါတယ်။ ဂွာဒီယိုလာရဲ့ အဓိကကစားသမားအဖြစ် သတ်မှတ်ခံထားရပြီး မန်စီးတီးနဲ့အတူ ပရီးမီးယားလိဂ်ဖလားကို ဂန်ဒိုဂန်က ပြီးခဲ့တဲ့ဘောလုံးရာသီမှာ ဆွတ်ခူးနိုင်ခဲ့ပြီး အကောင်းဆုံးကွင်းလယ်ကစားသမားတစ်ယောက်အဖြစ် သတ်မှတ်ခံထားရပါတယ်။