ခိုင်သင်းကြည်တစ်ယောက် ပေါင်းတည်မြို့ဘိုးဘွားရိပ်သာမှာ အလှူအတန်းတွေလည်း လုပ်ခဲ့သလို ကြည်နူးစရာကောင်းတဲ့အရာလေးတွေ ပိုင်ဆိုင်ခဲ့တယ်လို့ ဆိုပါတယ်. သူမဟာ ကုသိုလ်ရေးနဲ့ ပတ်သက်ပြီး လက်မနှေးသူတစ်ယောက်ဖြစ်ပါတယ်

ခိုင်သင်းကြည့်က ဒီဇင်ဘာလ ၁၅ ရက်နေ့ မနက်ပိုင်းက ပေါင်းတည်မြို့နယ်မှာရှိတဲ့ ပေါင်းတည်မြို့ဘိုးဘွားရိပ်သာမှာ အလှူအတန်းတွေ လုပ်ခဲ့တယ်လို့ ဆိုပါတယ်. ဒီအလှူလေးမှာလည်း သူမကို အားပေးတဲ့ အဘိုးအဘွားများစွာကို တွေ့ခဲ့ရတာကြောင့် ပျော်ရွှင်ဝမ်းသာမိတဲ့ အကြောင်းတွေ အခုလို ပြောပြလာပါတယ်.

'' ပေါင်းတည်မြို့ဘိုးဘွားရိပ်သာမှာ "Oramin-G "နဲ့အတူအဘိုးအဘွားများကိုဆေးများလှူဒါန်းခဲ့ပါတယ်ရှင် ဘိုးဘွားတွေနဲ့စကားပြောရတာပျော်တယ်ရှင့်အဖွားတယောက်ကသူ့အခန်းထဲမှာမခိုင်ရဲ့ပုံရှိတယ်တဲ့,အဖွားတယောက်ကမခိုင်ပရိတ်သတ်ပါတဲ့(အဖွားငယ်ကတည်းကသမီးကိုအားပေးလာတာပေါ့လေဆိုတော့ရီပါတယ်)နောက်တစ်ယောက်ကတစ်ခါမှမတွေ့ဖူးဘူးတွေ့ရမယ်လည်းမထင်တော့ပျော်တယ်တဲ့,တစ်ယောက်ကတော့ကလေးလေးကျနေတာဘဲဝမ်းနည်းပြီးငိုနေလို့ချော့ခဲ့ရသေးတယ်,ဘာပဲပြောပြောခုခေတ်ရောဂါပေါင်းစုံနဲ့အသက်တိုနေကြတဲ့အချိန်မှာဒီအသက်အရွယ်ထိကျန်းမာရေးကောင်းပြီးစားနိုင်သွားနိုင်နေတာအရမ်းကံကောင်းပါတယ်,အဘိုးအဘွားများကျန်းမာချမ်းသာအသက်ရာကျော်ရှည်ပါစေ'' ဆိုပြီးတော့ ဒီဇင်ဘာလ ၁၅ ရက်နေ့ညနေ ၃ နာရီခွဲက သူ့ရဲ့ ဖေ့စ်ဘွတ်မှာ ရေးသားခဲ့ပါတယ်.

ခိုင်သင်းကြည်ဟာ ဘာသာရေးနဲ့ ပတ်သက်လာရင် ဘယ်တော့မှ နေရာရွေးသူ မဟုတ်ပါဘူး။ကုသိုလ်ရေးမှာလည် း လက်မနှေးသူ ဖြစ်သလို ဘာသာရေးကိုလည်း နေ့စဉ်နေ့တိုင်းမပြတ်အောင် ဆောင်ရွက်တတ်သူလည်း ဖြစ်ပါတယ်။ ဇာတ်ကားရိုက်ကူးရေး လုပ်နေတဲ့ ရွာက ဘုန်းကြီးကျောင်းမှာ ဘုရားပန်းကပ်လှူပူဇော်နေတဲ့ ပုံလေးတွေကို သူမရဲ့ ဖေ့စ်ဘွတ်မှာ တင်ခဲ့သလို ဘုရားပန်းကပ် လှူပူဇော်ပြီးတော့ ပဌာန်းရွတ်ဖတ်ပူဇော်ခဲ့တယ်ဆိုပြီး ပြောထားတာ တွေ့ရပါတယ်။

Photo: Oramin-G

ခိုင်သင်းကြည်ဟာ ကျရာဇာတ်ရုပ်ကို ပီပြင်စွာ သရုပ်ဆောင်နိုင်သူ တစ်ဦးဖြစ်ပြီး့ပရိသတ်များရဲ့ ချစ်ခင်အားပေးမှုကို ရရှိထားသူလည်း ဖြစ်ပါတယ်။၂၀၁၃ခုနှစ်က စုန်းပြူး ရုပ်ရှင်ဇာတ်ကားကြီးနဲ့ အကောင်းဆုံး အမျိုးသမီးဇာတ်ပို့ဆုကို ရရှိထားသူ တစ်ဦးဖြစ်ပြီး ၂၀၁၄ခုနှစ်မှာ ကောင်းကျိုးကိုယ်၌တည်စေမင်း ရုပ်ရှင်ဇာတ်ကား နဲ့ ကောင်းဆုံးအမျိုး သမီးဇာတ်ဆောင် ဆုကို ရရှိခဲ့သူလည်း ဖြစ်ပါတယ်။

Photo: Oramin-G

သရုပ်ဆောင်အကယ်ဒမီ ခိုင်သင်းကြည်မှာ ချစ်ရတဲ့ ခင်ပွန်း ကိုခန့်နိုင်နဲ့ ချစ်စရာကောင်းတဲ့ သမီးလေး စံထိပ်ထားဦးတို့ကို ပိုင်ဆိုင်ထားပါတယ်.သူ့ရဲ့ ချစ်စရာကောင်းလှတဲ့ တစ်ဦးတည်းသောသမီးလေးစံထိပ်ထားဦးကိုတော့ လက်ရှိမှာ စာကိုပဲ အဓိက လုပ်စေချင်တယ်လို့ ဆိုပါတယ်။ သမီးလေးကိုလည်း လိမ္မာရေးခြားရှိအောင် သွန်သင်ဆုံးမဖြစ်တဲ့အကြောင်းကိုလည်း Duwun Media ရဲ့ အင်တာဗျူးမှာ ဖြေဆိုခဲ့ဖူးပါတယ်။