ခိုင်သဇင်ငုဝါကတော့ အောင်ဘာလေ ထီ သိန်း ၁၅၀၀၀ ဆုမှာ ထီ ၃ သိန်းဆု ပေါက်ခဲ့ပါတယ်။ သူမကိုတော့ ပရိသတ်တွေက မော်ဒယ်မလေး တစ်ယောက်အဖြစ် အားပေးခဲ့ကြတာပါ။

မော်ဒယ်လ် ခိုင်သဇင်ငုဝါကတော့ ဧပြီလ ၁ ရက်နေ့မှာ ကံကောင်းခြင်းတွေ စတင်ရောက်ရှိနေပြီဖြစ်ပါတယ်။ အခုဆိုရင်တော့ ၂ ကြိမ်မြောက် အောင်ဘာလေ သိန်း ၁၅၀၀၀ ဆု ထီကနေ ငွေကျပ် ၃ သိန်း ထီပေါက်ခဲ့တယ်လို့ ဆိုပါတယ်။

‘’ 3 သိန်းဆု ပေါက်တယ်လေ’’ ဆိုပြီးတော့ သူမရဲ့ ဖေ့စ်ဘွတ်အကောင့်မှာ ဧပြီလ ၁ ရက်နေ့ မနက် ၁၀ နာရီ ၄၅ မိနစ်က ရေးသားခဲ့တာဖြစ်ပါတယ်။ သူမရဲ့ ထီ နံပတ်ကတော့ ဏ ၇၁၅၂၂၀ ကနေ ဏ ၇၁၅၂၂၉ အထိ ၁၀ စောင်တွဲထီ ဖြစ်ပါတယ်။ ခိုင်သဇင်ငုဝါတစ်ယောက် April Fool လုပ်ထားတာလား ဆိုပြီး ပရိသတ်တွေ မေးနေကြပါတယ်။ သူမကတော့ ဘာမှ ပြန်ပြောထားတာမတွေ့ရပါဘူး။

ခိုင်သဇင်ငုဝါ ကိုတော့ မော်ဒယ်တစ်ယောက်အဖြစ် ပရိသတ်တွေ စတင်သိရှိလာတာပါ။ သူမက လက်ရှိမှာလည်း တီဗီကြော်ငြာတွေ ရိုက်ကူးနေရသူဖြစ်ပြီး ဗီဒီယိုဇာတ်ကား၊ ရုပ်သံဇာတ်လမ်းတွဲတွေမှာ ပါဝင်သရုပ်ဆောင်လာ တာကို တွေ့ရပါတယ်။ ဒါပေမယ့် မော်ဒယ်အလုပ်နဲ့သာ အများဆုံး ရပ်တည်နေသူ တစ်ယောက်ပါ။

Photo: ခိုင်သဇင်ငုဝါ

ခိုင်သဇင်ငုဝါ နဲ့ ခိုင်သဇင်ယုဝါ ဆိုတဲ့ မော်ဒယ် အမြွှာ ညီအစ်မဆိုရင်တော့ မသိတဲ့ ပရိသတ်မရှိသလောက်ပါပဲ။ သူတို့ရဲ့ အနုပညာလှုပ်ရှားမှုတွေ သိပ်မတွေ့ရပေမယ့် အားပေးတဲ့ ပရိသတ်တွေကတော့ အများကြီးရှိပါတယ်။ ခိုင်သဇင်ယုဝါကတော့ ၂၀၁၈ ခုနှစ် နိုဝင်ဘာလ အတွင်းမှာ ချစ်ရတဲ့ သူနဲ့ မင်္ဂလာဆောင်ခဲ့တာဖြစ်ပါတယ်။

Photo: ခိုင်သဇင်ငုဝါ

ခိုင်သဇင်ငုဝါကလည်း လက်ရှိ ချစ်သူနဲ့ လက်တွဲလာတာ ကြာပါပြီ။ သူမကိုလည်း အရမ်းချစ်တဲ့ ချစ်သူလည်းဖြစ်သလို အသက်လည်း ငယ်ပါတယ်လို့ Duwun media ရဲ့ အင်တာဗျူးမှာ ဖြေဆိုခဲ့ဖူးပါတယ်။ သူမကိုယ်တိုင်ကလည်း အရမ်းချစ်တဲ့သူဖြစ်တာကြောင့် နားလည်မှုတွေနဲ့ အချစ်ခရီးလမ်းမှာ လျှောက်လှမ်းနေတယ်လို့ သိရပါတယ်။