ဒေါင်းကတော့ တက္ကသိုလ်ကျောင်းသားဘဝရဲ့ အမှတ်တရများစွာကို “အချစ်ဖြင့် လွမ်းစေ” ဇာတ်ကားထဲမှာ ခံစားခဲ့ရတယ်လို့ဆိုပါတယ်။ သူကိုယ်တိုင်လည်း တက်ခွင့်မရခဲ့ဘူးလို့ဆိုပါတယ်။
Photo: အချစ်ဖြင့် လွမ်းစေ
ဒေါင်းကတော့ သူ့အတွက် တက္ကသိုလ်ကျောင်းသားဘဝကို ပြန်ရစေခဲ့တဲ့ “အချစ်ဖြင့် လွမ်းစေ” ရုပ်ရှင်ရိုက်ရတာ အရမ်းကျေနပ်ခဲ့တယ်လို့ ဆိုပါတယ်။ တက္ကသိုလ်ကျောင်းသားဘဝ မခံစားခဲ့ဖူးတဲ့ သူ့အတွက်တော့ အရမ်းပျော်ခဲ့ရတယ်လို့ မီဒီယာ အင်တာဗျူးတွေမှာ ဖြေဆိုခဲ့ပါတယ်။
Photo: အချစ်ဖြင့် လွမ်းစေ
ဒေါင်းကတော့ ရန်ကုန်တက္ကသိုလ်ကျောင်းသားမဟုတ်ပေမယ့် အရှေ့ပိုင်းတက္ကသိုလ်(တာဝ) က အဝေးသင်ကျောင်းသားတစ်ယောက်ပါတဲ့။ သူလိုချင်ခဲ့တဲ့ အချိန်လေးတွေကို ပြန်ပိုင်ဆိုင်ခွင့်မရတော့ဘူးလို့လည်း ပြောပြခဲ့ပြန်ပါသေးတယ်။
“အချစ်ဖြင့်လွမ်းစေ” ရုပ်ရှင်ဇာတ်ကားကြီးထဲမှာတော့ နောင်မင်းလတ်၊ မိုးမှူးဝါ နဲ့ ညို ဆိုတဲ့ ဇာတ်ကောင်တွေက အဓိက ဇာတ်ဆောင်တွေအဖြစ် ပါဝင်သရုပ်ဆောင်ထားတာ တွေ့ရပါတယ်။ ဒီဇာတ်ကောင်တွေကို အသက်သွင်းပြီး ပါဝင်ကြမယ့် အနုပညာရှင်တွေကတော့ ဒေါင်း၊ ပိုင်ဖြိုးသု နဲ့ အိန်ဂျယ်လမုန် တို့က ပါဝင်ထားတာပါ။ “အချစ်ဖြင့် လွမ်းစေ” ရုပ်ရှင်ဇာတ်ကားကို ဖေဖော်ဝါရီလ ၁၃ ရက်နေ့မှ စပြီး မြန်မာတစ်နိုင်ငံလုံးမှာရှိတဲ့ အဆင့်မြင့်ရုပ်ရှင်ရုံတွေမှာ ရုံတင် ပြသသွားမှာဖြစ်ပါတယ်။
မိန်းကလေး ပရိသတ်အများစုပိုင်ဆိုင်ထားတဲ့ သရုပ်ဆောင် ဒေါင်းက အခုဆိုရင် အနုပညာအလုပ်တွေ အဆက်မပြတ် လုပ်ကိုင်လာရပါပြီ။ သူ့ကိုတော့ ‘’ပုဂံမြို့သူ’’ ရုပ်သံ ဇာတ်လမ်းတွဲကနေတဆင့် ပရိသတ်အားပေးမှု ပိုမိုရရှိလာတာဖြစ်ပါတယ်။ မကြာခင် ရုံတင်ပြသတော့မယ့် "၁၀၁၄" ရုပ်ရှင်ဇာတ်ကားကြီးထဲမှာလည်း ပါဝင်သရုပ်ဆောင်ထားပါသေးတယ်။