ကိုရီးယားအဆိုတော်နှစ်ဦးဖြစ်တဲ့ Jung Joon Young နဲ့ Big Bang အဖွဲ့ဝင် Seng-ri ကို ဒီနေ့မတ်လ ၁၄ ရက်နေ့မှာ မိန်းကလေးတွေရဲ့အဝတ်မဲ့ဓါတ်ပုံတွေကို Group chat ထဲမျှဝေခဲ့တာနဲ့ ပါတ်သတ်ပြီးတော့ ဆိုးလ်ရဲဌာနချုပ်ကနေ စစ်ဆေးခဲ့ပါတယ်။

ဒီနေ့မနက်ပိုင်းမှာ ရုပ်သံစတား၊တေးရေးနဲ့ အဆိုတော် Jung Joon Young နဲ့ က ဆိုးလ်ရဲဌာနကို ရောက်ရှိလာပြီးတော့ သတင်းထောက်အယောက်ပေါင်း ၁၀၀ ကျော်က စောင့်ဆိုင်းနေတာကိုတွေ့ရပါတယ်။

အသက် ၂၉ နှစ်အရွယ် Jung ကအမျိုးသမီး ၁၀ ယောက်ထက်မနည်းနဲ့ လိင်ဆက်ဆံထားတဲ့ ဓါတ်ပုံတွေနဲ့ ဗွီဒီယိုတွေကို ခိုးရိုက်ထားပြီးအဲ့ဒီဓါတ်ပုံတွေကို သူ့ရဲ့သူငယ်ချင်းတွေရှိတဲ့ group chat ထဲကို ဖြန့်ခဲ့တာကြောင့် စစ်ဆေးခံနေရတာဖြစ်ပါတယ်။

ပြီးခဲ့တဲ့ဗုဒ္ဓဟူးနေ့က အမျိုးသမီးတွေနဲ့ လိင်ဆက်ဆံခဲ့တဲ့ ဗွီဒီယိုတွေကိုခိုးရိုက်ခဲ့တယ်လို့ သူက ဝန်ခံခဲ့ပြီးတော့ တောင်းပန်ပါတယ်ဆိုတဲ့စကားကို ထပ်တလဲလဲပြောကြားခဲ့ပါတယ်။

မတ်လ ၁၄ ရက်နေ့မှာ ရဲဌာနကိုရောက်လာတဲ့ Jung Joon Young

သူနဲ့အတူ သူငယ်ချင်းဖြစ်သူ Big Bang အဖွဲ့ဝင် Seung- Ri ကိုလည်းစစ်ဆေးခဲ့ပြီးတော့ သူ့ရဲ့ရင်းနှီးမြှုပ်နှံံသူတွေကို အမျိုးသမီးတွေနဲ့ အတူပျော်ပါးစေဖို့စေခိုင်းခဲ့တယ်ဆိုတဲ့ အချက်တွေနဲ့ ရင်ဆိုင်ဖို့ ဒီနေ့မနက်မှာ ရောက်ရှိလာပါတယ်။

Kakao talk group မှာပါဝင်တဲ့ အမျိုးသား ၈ ဦးမှာကျန်တဲ့နာမည်ကြီး k-pop အဆိုတော်တွေပါပါဝင်နိုင်တယ်လို့ ခန့်မှန်းနေကြပြီးတော့ ဒီဖြစ်ရပ်ကို SBS သတင်းဌာနက ဖော်ထုတ်ခဲ့တာဖြစ်ပါတယ်။