မေမြင့်မိုရ် နဲ့ သျှင်းမြတ် တို့ မောင်နှမတို့ရဲ့ နာရေးလုပ်အားကုသိုလ် နဲ့ ပတ်သက်ပြီး ဦးကျော်သူက အခုလို ပြောပြလာပါတယ်။ သူတို့ မောင်နှမဟာ အနုပညာလောကမှာလည်း ပရိသတ်အခိုင်အမာ ရရှိထားသူတွေ ဖြစ်ပါတယ်။

သရုပ်ဆောင် မေမြင့်မိုရ်နဲ့ သရုပ်ဆောင် သျှင်းမြတ် တို့ မောင်နှမဟာ ဦးကျော်သူ ဦးဆောင်တဲ့ နာရေးကူညီမှု အသင်းမှာ နိဗ္ဗာန်ယာဉ်မောင်းရင်း ကုသိုလ်ယူခဲ့ကြတယ်လို့ သိရပါတယ်။

‘’နာရေးကူညီမှုအသင်း(ရန်ကုန်) သို့ သရုပ်ဆောင် မေမြင့်မိုရ် နှင့် သျှင်းမြတ် (မောင်နှမ)တို့မှ ပျံလွန်တော် မူသွားသော ကိုရင် ပုညနန္ဒ သက်တော်(၁၆)နှစ်အား ဇီဝိတဒါနသံဃာ့ဆေးရုံမှ ရေဝေးသုဿန် အအေးခန်းသို့ နိဗ္ဗာန်ယာဉ်မောင်းနှင်ကာ ကုသိုလ်ယူခဲ့ကြသည်’’ ဆိုပြီးတော့ ဦးကျော်သူရဲ့ ဖေ့စ်ဘွတ်အကောင့်မှာ ဇန်နဝါရီလ ၂၁ ရက်နေ့ ညနေ ၅ နာရီကျော်က သူ့ရဲ့ ဖေ့စ်ဘွတ်စာမျက်နှာမှာရေးသားခဲ့ပါတယ်

အဲဒီနောက် မေမြင့်မိုရ် ကလည်း သူတို့ မောင်နှမ နှစ်ယောက်ရဲ့ ကုသိုလ်အလုပ်နဲ့ ပတ်သက်ပြီး အခုလို ပြောပြလာပါတယ်။

‘’ ယနေ့နာရေးလုပ်အားကုသိုလ် ကောင်းရာသုဂတိလားပါစေ’’ ဆိုပြီးတော့ ဇန်နဝါရီလ ၂၁ ရက်နေ့ ညနေ ၄ နာရီကျော်က သူ့ရဲ့ ဖေ့စ်ဘွတ်မှာ ရေးသားခဲ့တာဖြစ်ပါတယ်။

Photo: ကျော်သူ

သရုပ်ဆောင် မေမြင့်မိုရ် ကိုတော့ ရုပ်သံဇာတ်လမ်းတွဲတွေကနေတဆင့် ပရိသတ်တွေ စတင်အားပေးခဲ့ကြတာဖြစ်ပါတယ်။ အဲဒီနောက် ‘’ပန်းနုသွေး’’ ရုပ်သံဇာတ်လမ်းတွဲကနေ ပရိသတ်အခိုင်အမာ ရရှိပိုင်ဆိုင်ခဲ့သူပါ။ လက်ရှိမှာလည်း ဇာတ်လမ်းတွဲတွေ၊ ရုပ်ရှင်ဇာတ်ကားကြီးတွေ ရိုက်ကူးနေတာကို တွေ့ရပါတယ်။

Photo: ကျော်သူ

သျှင်းမြတ် ကိုတော့ ‘’ရသမော်ကွန်း အလင်္ကာ’’ ရုပ်သံဇာတ်လမ်းတွဲ က ‘’မော်ကွန်း’’ ဆိုတဲ့ ဇာတ်ကောင်နဲ့ ပရိသတ်အားပေးမှု စတင်ရရှိခဲ့တာဖြစ်ပါတယ်။ အစ်မဖြစ်သူ မေမြင့်မိုရ် နဲ့လည်း အသက် ၃ နှစ်ကွာတယ်လို့ သိရပါတယ်။ သူဟာ လက်ရှိမှာလည်း ပရိသတ်အခိုင်အမာ ရရှိနေသူ တစ်ဦးဖြစ်ပါတယ်။