ဘင်္ဂလားဒေ့ရှ်နိုင်ငံ Hazrat Shah Jalal International Airport ကနေ ရန်ကုန်မြို့သို့ ပျံသန်းထွက်ခွာလာတဲ့ ဘင်္ဂလားဒေ့ရှ်လေယာဉ် ခရီးစဉ်အမှတ် BG-060 က ရန်ကုန်လေဆိပ်ကိုအဆင်းမှာ အရှိန်မထိန်းနိုင်ဘဲ ပြေးလမ်းချော်ပြီး တောင်ပျံကျိုးသွားခဲ့ပါတယ်။

မိုးများရွာသွန်းနေပြီး အရှိန်များသွားတာကြောင့် အခုလို မတော်တဆမှု ဖြစ်ခဲ့ရတာဖြစ်ပြီး ဒီဖြစ်ရပ်ကြောင့် သေဆုံးသူမရှိခဲ့ပေမယ့် ထိခိုက်ဒဏ်ရာ ရမှုတွေတော့ရှိတယ်လို့ လေကြောင်းရဲတပ်ဖွဲ့တာဝန်ရှိသူက Duwun ကို ပြောပါတယ်။ "ထိခိုက်ဒဏ်ရာရသူတေကွကို အနီးဆုံး မြောက်ဥက္ကလာပဆေးရုံကြီးကို တင်ပို့ပြီးကုသပေးထားပါတယ်။ သေဆုံးမှုမရှိပါဘူး"လို့ အဆိုပါ ရဲတပ်ဖွ့ဝန်ရှိသူက ပြောပါတယ်။

ပြေးလမ်းအမှတ် ၂၁ ကိုဆင်းသက်ရာမှာ ပြေးလမ်းချော်ပြီး လေယာဉ်ဝဲဖက်ခြမ်း ထိခိုုက်ပျက်စီးခဲ့တာကြောင့် လေယာဉ်မှူးအပါအဝင် လိုက်ပါလာသူအချို့ ထိခိုက်ဒဏ်ရာရခဲ့ပါတယ်။ အဆိုပါ ဖြစ်ရပ်ကြောင့် လေယာဉ်ပြေးလမ်းကို စစ်ဆေးရှင်းလင်းမှုတွေ ပြုလုပ်ဆောင်ရွက်ခဲ့ပြီး ပြေးလမ်း ယာယီပိတ်းထားရခဲ့ပေမယ့် မြန်မာစံတော်ချိန် ည ၁၀ နာရီလောက်မှာတော့ ပြန်ဖွင့်ပေးလိုက်ပြီလို့ သိရပါတယ်။