ကိုဗစ်ရောဂါပိုးတွေ့လို့ ဝေဘာဂီမှာ ဆေးကုသမှု ခံယူနေရတဲ့ ဦးကျော်သူကို အနီးကပ်ပြုစုစောင့်ရှောက်ပေးနေတဲ့ ထွန်းကိုကိုမှာ ကိုဗစ်ရောဂါကူးစက် ခံရခြင်း ရှိမရှိ ဒီနေ့မှာ Swab ယူပြီး စစ်ဆေးမှု ပြုလုပ်နေတယ်လို့ သိရပါတယ်။

ဦးကျော်သူကို အနီးကပ် ပြုစုစောင့်ရှောက်ပေးနေရတဲ့ သရုပ်ဆောင် ထွန်းကိုကိုမှာ ကိုဗစ်ရောဂါပိုး ရှိမရှိ စစ်ဆေးမှုကို ဒီနေ့မှာ ပြုလုပ်ခဲ့တယ်လို့ ဦးကျော်သူက သူ့ရဲ့ ဖေ့စ်ဘွတ်ကနေ ပြောပြခဲ့ပါတယ်။

Photo : ဦီးကျော််််သူ

ဦးကျော်သူကတော့ နှလုံး ခွဲစိတ်ထားသူဖြစ်ပြီး ဆီးချိုရောဂါ အခံရှိသူဖြစ်တာကြောင့် အခုလို Covid ရောဂါပိုး ကူးစက်ခံလိုက်ရတဲ့ အချိန်မှာ သူ့ရဲ့ မိသားစုဝင်တွေ၊ နာရေးကူညီမှု အသင်းသားတွေနဲ့ ပရိသတ်တွေက စိတ်ပူလျှက်ရှိပါတယ်။ လက်ရှိမှာတော့ ဝေဘာဂီဆေးရုံမှာ Quarantine ဝင်နေတာဖြစ်ပြီး ထွန်းကိုကို က ဦးကျော်သူရဲ့ ကျန်းမာရေး အခြေအနေ ပြန်ကောင်းလာနိုင်ဖို့အတွက် ပြုစု စောင့်ရှောက်ပေးနေတာကို တွေ့ရပါတယ်။ ထွန်းကိုကို ကလည်း Covid ကာလအတွင်း နာရေးကူညီမှုအသင်းကနေတဆင့် ဈာပန လုပ်ငန်းတွေ၊ ပရဟိတလုပ်ငန်းတွေကို ကြိုးကြိုးစားစား လုပ်ကိုင်ပေးနေသူဖြစ်ပါတယ်။