ပြင်ဦးလွင်မြို့မှာ အခြားဒေသတွေကနေ ဝင်ရောက်လာသူတွေကနေတစ်ဆင့် ရောဂါကူးစက်ခံနေရမှုနဲ့ သေဆုံးမှုတွေရှိနေတာကြောင့် ခိုးဝင်လမ်းကြောင်းတွေကို သေချာစစ်ဆေးသွားမယ်လို့ သိရပါတယ်။

“ မြို့ဝင်ဂိတ်ကနေ ကျန်းမာရေးထောက်ခံစာတွေပါရင်တော့ အဝင်ခံတာပေါ့။ တချို့ကျန်းမာရေးထောက်ခံစာမပါတဲ့သူတွေကဂိတ်ကနေမဝင်ဘဲ ခိုးဝင်လမ်းကြောင်းတွေကနေဝင်ကြတာ။ဒေသတွင်းမှာ အဲဒီလို တခြားဒေသတွေကနေလာတဲ့သူတွေဆီတွေကနေ ကူးစက်မှုတွေခံနေရတော့ တင်းတင်းကြပ်ကြပ်မဆောင်ရွက်ရင် ပိုဆိုးလားနိုင်တယ်။ အခုတာဝန်ရှိသူတွေအားလုံးပေါင်းပြီးတော့ ခိုးဝင်လမ်းကြောင်းအားလုံးကို ပိတ်ဆို့နိုင်မယ့် (၆)ထပ်ကြီးကွေ့ အနီးမှာ မြို့ဝင်ဂိတ်ကိုပြောင်းရွှေ့ စစ်ဆေးမယ်” လို့ ဦးအောင်မင်းက ပြောပါတယ်။ 

လက်ရှိပြင်ဦးလွင်က ကိုဗစ်လူနာတွေက တခြားဒေသတွေကနေ လာတဲ့သူတွေဆီက ကူးစက်ခံနေရတာဖြစ်တယ်လို့ သိရပါတယ်။ အားလပ်ရက် ရုံးပိတ်ရက်တွေမှာဆို ပြင်ဦးလွင်ကို တခြားဒေသတွေကနေ ညအိပ်ညနေ လာရောက်တဲ့သူတွေရှိတာကြောင့် အခုနောက်ပိုင်းမှာ အဝင်အထွက်တွေကို တင်းတင်းကြပ်ကြပ်လုပ်ဆောင်သွားမယ်လို့ ဆိုပါတယ်။