အိစိကွေးကတော့ အလုပ်သဘောအရ ယုံကြည်လို့လက်ခံလိုက်မိတဲ့ ဖျော်ဖြေပွဲ တစ်ခုမှာ ပြဿနာတွေ တက်ခဲ့ရတယ်လို့ ဆိုပါတယ်။ ဒါပေမယ့် သူကတော့ တရားစွဲဖို့လောက်အထိ မတွေးတော့ပါဘူးတဲ့။

အိစိကွေးကတော့ မန္တလေးမှာ ကျင်းပပြုလုပ်တဲ့ အလှမယ် ပြိုင်ပွဲမှာ ဖျော်ဖြေပေးဖို့လာငှားတဲ့အချိန်မှာ သူနဲ့ ရင်းနှီးတဲ့ မိတ်ဆွေတစ်ယောက်ရဲ့ အာမခံပေးမှုကြောင့် လက်ခံခဲ့တယ်လို့ဆိုပါတယ်။ ဒါပေမယ့် ဖျော်ဖြေပွဲ ပြီးတဲ့ အချိန်ထိ အနုပညာကြေးပေးဖို့ တောင်းရခက်တဲ့အပြင် ရဲစခန်းတွေအထိတောင်ရောက်ခဲ့ရတယ်လို့ သိရပါတယ်။ ဒါပေမယ့် ဒီကိစ္စအပေါ်မှာတော့ တရားစွဲဆိုမှုတွေ လုပ်မှာ မဟုတ်တော့ဘူးလို့ Duwun Media အင်တာဗျူးမှာ ဖြေဆိုခဲ့ပါတယ်။ 

"ကျွန်တော်က တော့ တရားမစွဲတော့ဘူး။ သူများတွေက တော့ စွဲတယ် ပြောတာပဲ။ ကိုယ်တိုင်က လည်းမန္တလေးအထိ သွားဖို့ကလည်း အဆင်မပြေဘူး။ တရားစွဲရင် ရုံးချိန်တွေ ဘာတွေ နဲ့ ဆိုရင် ခေါ်တဲ့အချိန် သွားရမှာပဲ လေ။ မျက်နှာပျက်စရာကြီးလေ။ တစ်ယောက်နဲ့ တစ်ယောက် က အဲ့ဒီလိုမျိုးကြီးဖြစ်တယ်ဆိုတာကလည်း

Photo: Fantasy In Art

၂၀၂၀ ခုနှစ် နှစ်အစမှာ အနုပညာရှင်တော်တော်များများဟာ ငွေရေး၊ ကြေးရေးနဲ့ ပတ်သက်ပြီး တစ်ယောက်ပြီးတစ်ယောက် ဆိုသလို အမှုရင်ဆိုင်နေရတာ တွေရှိခဲ့ပါတယ်။ ဒါပေမယ့် အိစိကွေးကတော့ပြဿနာ မတက်ချင်တော့ဘူးလို့ ဆိုပါတယ်။

"ငွေ ပမာဏက တော့များတယ်။ ကျွန်တော် ပွဲ ဆိုနေကြ တစ်ပွဲ စာနဲ့ လေယာဉ်ခ တွေ ရော ပေါ့။ ဒီနှစ်က တော့ ငွေရေးကြေးရေ ပြဿနာခဏခဏ တက်နေကြတာပေါ့နေ်ာ။ ပရိသတ်တွေက တောင် ပြောကြတယ်။ လာပြန်ပြီလား နောက်တစ်ယောက်ဆိုပြီးတော့ ဘယ်လိုပဲ ဖြစ်ဖြစ် ပြဿနာက တော့ မဖြစ်ချင်ပါဘူး။ငွေ ရေးကြေးရေး ပိုင်းနဲ့ ပတ်သက်လာရင် အကုန်လုံးက အကျပ်အတည်း ဖြစ် နေကြတာဆိုတေ့ာ့ နားလည်ပါတယ်။ ဒါပေမယ့်လည်းကိုယ်လည်းအလုပ်လုပ်နေရတဲ့လူတစ်ယောက်ဖြစ်တဲ့အတွက် တစ်ယောက်နဲ့ တစ်ယောက် ကိုယ်ချင်းစာစိတ်လေးနဲ့ သူလည်းလိုချင်မှာပဲ ငါလဲယူထားတုန်းက ယူထားတာပဲ။ သူလည်းသူ့လုပ်အားခ လေးယူချင် မှာပဲ ဆိုတဲ့ စိတ် လေး ထားလိုက်ရင် ဒီလိုပြဿနာတွေ ဖြစ်လာမယ်လို့ မထင်ဘူးလေ"လို့ သူကဆိုပါတယ် ။

Photo: Eisi Kway

"အရင်တုန်းကတော့ဒီလိုပြဿနာတွေကြုံဖူးပေမယ့် အခုလောက် တော့မဆိုးဘူးပေါ့နော်။ အေးရာအေးကြောင်းလေးပဲ ပြီးသွားတာလေး တွေပါပဲ။အခု တစ်ခေါက်ကြ တော့အသိ တစ်ယောက် ကလည်း ကြားထဲက နေ ပြီး တော့ ချိတ် ပေးတာ ဆိုတော့ သူ့ကို ယုံလိုက်တာလည်းပါတယ်။အခု Mr & Miss လုပ်တဲ့ ဟိုတယ်ကလည်း မန္တလေးမှာအကြီးဆုံးဆိုတော့ မလိမ်လောက်ဘူးပေါ့။ ယုံကြည်ရတယ်ဆိုပြီး သွားလိုက်ပေမယ့် အခုလိုဖြစ်သွား တော့လည်း မတတ်နိုင်ဘူး" ဆိုပြီးတော့ ဆက်လက် ဖြေဆိုခဲ့ပါတယ်။

Photo: Eisi Kway

အိစိကွေး(Eisi kway)ဟာ ကလေးဘဝကတည်းက အနုပညာအလုပ်တွေကို လုပ်ဆောင်ခဲ့တာဖြစ်ပါတယ်။ ကလေးသရုပ်ဆောင်ဘဝကတည်းက ပရိသတ်တွေရဲ့ အချစ်ကိုလည်း အပြည့်အဝ ရရှိထားသူ တစ်ယောက်ပါ။ လက်ရှိမှာတော့ သူဟာ ပညာရေးကို ဦးစားပေးနေတာ ကြောင့် အနုပညာအလုပ်တွေကို တစိုက်မတ်မတ်မလုပ်နိုင်သေးဘူးလို့ သိရပါတယ်။ သရုပ်ဆောင် အိစိကွေးက အခုဆိုရင် ခေါင်းဆောင်မင်းသား နေရာကနေ ဇာတ်ကားတွေ ရိုက်ကူးနေရပါပြီ။