“ လက်ရှိရောဂါပိုးကူးစက်ခံထားရတဲ့ ကျန်းမာရေဝန်ထမ်း (၁၁)ဦးရှိတယ်။ သူတို့နဲ့ ထိတွေ့မှုရှိထားသူတွေကိုလည်း Quarantine ထားရှိထားပါတယ်။ လက်ရှိမှာလည်း ရန်ကုန်က လာရောက်ကူညီတဲ့ ကျန်းမာရေးအဖွဲ့တွေရောက်နေတော့ ကူသမှုအပိုင်းအခက်အခဲတော့မရှိဘူး။ အခု ကူးစက်ခံရတဲ့ ကျန်းမာရေးဝန်ထမ်း(၁၁)ရဲ့ ကျန်းမာရေးအခြေအနေကလည်း အားလုံးကောင်းမွန်တယ်။ စိုးရိမ်စရာဘာမှမရှိဘူး” လို့ စစ်တွေမြို့ ကျန်းမာရေးဌာန(အထူးရောဂါနှိမ်နင်းရေး)မှ လက်ထောက်ညွှန်ကြားရေးမှူး ဒေါက်တာစိုးဝင်းပိုင်က Duwun ကိုပြောပါတယ်။ 

လက်ရှိ ရခိုင်မှာဖြစ်ပွားနေတဲ့ ကိုဗစ်ပိုးဟာ ကူးစက်မှု မြန်ဆန်ပြီး မျိုးဗီဇပြောင်းနေတဲ့ ဗိုင်းရပ်ဖြစ်နိုင်တာကြောင့် ဆေးပညာရှင်တွေအနေနဲ့ ဒီပိုးကို ဓာတ်ခွဲ စစ်ဆေးမှုတွေလုပ်နေပြီး ရက်ပိုင်းအတွင်းမှာ အဖြေထွက်ပေါ်လာတော့မှာဖြစ်တယ်လို့ ကျန်းမာရေးနှင့် အားကစားဝန်ကြီးဌာနမှ သိရပါတယ်။