အမေနဲ့သမီးပဲ ရှိတဲ့ဘဝလေးမှာ မှီစရာပုံလေးတစ်ခု နားခိုစရာ ရင်ခွင်လေး တစ်ခုလိုချင်ခဲ့တဲ့ အိမ့်ချစ်ဖို့ ဒီနေ့(ဇွန်လ၆ရက်)မှာတော့ လိုချင်တဲ့ပခုံးလေးတစ်ခုနဲ့ ကမ်းလင့်တဲ့လက်လေး တစ်စုံကိုပိုင်ဆိုင်ခွင့်ရခဲ့ပြီ။

အိမ့်ချစ်ကတော့ သူမရဲ့ ချစ်သူနဲ့အတူ ဒီနေ့မှာ မင်္ဂလာမော်ကွန်းတင် လက်မှတ်ရေးထိုးလိုက်ပြီဖြစ်ကြောင်း ပရိသတ်တွေကို ပြောပြလာပါတယ်။ အမေနဲ့သမီးပဲ ရှိတဲ့ဘဝလေးမှာ မှီစရာပုံလေးတစ်ခု နားခိုစရာ ရင်ခွင်လေး တစ်ခုလိုချင်ခဲ့တဲ့ အိမ့်ချစ်ဖို့ ဒီနေ့(ဇွန်လ၆ရက်)မှာတော့ လိုချင်တဲ့ပခုံးလေးတစ်ခုနဲ့ ကမ်းလင့်တဲ့လက်လေး တစ်စုံကိုပိုင်ဆိုင်ခွင့်ရခဲ့ပြီ။

မေလတုန်းက သူတို့နှစ်ယောက်ရဲ့ စေ့စပ်ပွဲလေး မကျင်းပလိုက်ရပေမယ့် ဒီနေ့လေးကိုတော့ ရည်ရွယ်ထားတဲ့အတိုင်း လက်မှတ်ရေးထိုးဖြစ်ခဲ့ကြတယ်လို့ ဆိုပါတယ်။

ကမ်းလင့်တဲ့ လက်လေးတစ်စုံ ကိုပိုင်ဆိုင်ခွင့်ရခဲ့ပြီ” လို့ ဇွန်လ(၆)ရက်နေ့က သူမရဲ့ ဖေ့စ်ဘွတ်မှာ ရေးသားထားပါတယ်။

Photo Nyi Hla Baw

မေလမှာ စေ့စပ်ပွဲလေး မလုပ်ဖြစ်ခဲ့ပေမယ့် ဒီနေ့လေးကိုတော့ ရည်ရွယ်ထားတဲ့အတိုင်း လက်မှတ်ရေးထိုးခဲ့ကြပြီလို့ သူမက ဆိုပါတယ်။ မင်္ဂလာဧည့်ခံပွဲကြီးကိုတော့ ကပ်ရောဂါတွေ ပြီးမှ ကျင်းပမယ်ဖြစ်ကြောင်းကိုလည်းပြောထားပါသေးတယ်။

Photo Nyi Hla Baw

အိမ့်ချစ်ကတော့ သူမရဲ့ ချစ်သူကို ဖေဖော်ဝါရီလ ၅ ရက်နေ့က စပြီး ဖေ့စ်ဘွတ်စာမျက်နှာကနေတဆင့် ပရိသတ်နဲ့ မိတ်ဆက်ပေးလိုက်တာဖြစ်ပါတယ်။ အဲဒီနေ့ကလည်း သူမကို လက်ထပ်ခွင့်တောင်းတဲ့နေ့ အမှတ်တရ ဖြစ်ပါတယ်။ ပရိသတ်တွေကြားမှာတော့ အရမ်းကို အားကျခဲ့ရတဲ့ စုံတွဲတစ်တွဲဖြစ်ခဲ့ပါတယ်။

အိမ့်ချစ်(Eint Chit) ဟာ ငယ်စဉ်ကတည်းက ဂီတနဲ့မစိမ်းသလို ဖခင် ဦးချစ်ကောင်းနဲ့အတူ စတိတ်စင်ပေါ်မှာ ဖျော်ဖြေလာသူတစ်ဦးပါ။ အိမ့်ချစ်ဟာ အတွဲခွေများစွာမှာ ပါဝင်သီဆိုဖူးခဲ့သလို "ကိုယ်တိုင်ရေး ပုံတူပန်းချီ" ၊ အချစ်ရေးစတဲ့ တေးသီချင်း ခွေများနဲ့ ပရိသတ်အားပေးမှု ရရှိထားတဲ့ အဆိုတော် တစ်ဦးဖြစ်ပြီး ဖခင်ဖြစ်သူ ဦးချစ်ကောင်းနဲ့အတူ "၅၂၈" ဖျော်ဖြေ ပွဲကြီးကို အောင်မြင်စွာ ကျင်းပနိုင်ခဲ့တဲ့ အဆိုတော်တစ်ဦး ဖြစ်ပါတယ်။ ၂၀၁၉ ခုနှစ် သြဂုတ်လ အတွင်းကလည်း သူမရဲ့ဖခင် ဦးချစ်ကောင်းရယ်၊ မောင်လေးဖြစ်တဲ့ ဂျူနီယာချစ်ကောင်းရယ် သုံးယောက်ပေါင်းပြီး FG live Lounge.. ပွဲ လုပ်ခဲ့ပါသေးတယ်။