သရုပ်ဆောင် ဇေယျာအောင်နဲ့ လှိုင်ဖြူဖြူထွဏ်းတို့ရဲ့ မျိုးဆက်သစ်လေးများအကြောင်း

သရုပ်ဆောင် ဇေယျာအောင်နဲ့ လှိုင်ဖြူဖြူထွဏ်းတို့ရဲ့ အနုပညာမျိုးဆက်လေးတွေဖြစ်ကြတဲ့ သမီးချောလေး သုံးဦးစလုံးကတော့ အနုပညာလှုပ်ရှားမှုတွေလုပ်နေကြပြီဖြစ်ပြီး မကြာခင်မှာလည်း အဆိုတော်ခိုင်ရွှေဝါရဲ့ နာမည်ကြီးသီချင်းတစ်ပုဒ်ဖြစ်တဲ့ " ငယ်ချစ်ပုံပြင်ချင်းလေးကိုသီဆိုပြီး ပရိသတ်ရှေ့ မကြာခင်တင်ဆက်သွားမှာဖြစ်တယ်လို့ သိရပါတယ်။ 

Celebrities

အမြန်လမ်းမှာ ကားအက်စီးဒန့်ဖြစ်ခဲ့တဲ့အကြောင်းပြောပြလာတဲ့ မေမဒီ

3 years ago

---

Celebrities

"သင်္ကြန်မိုး"ရှင်ရှင်က အထင်ကရအနုပညာရှင်များရဲ့ မျိုးဆက်သစ်လေး အဆိုတော်ထက်သီရိ

3 years ago

---

"တေးရေးဆရာ နောင်နောင်(S.F) က ငယ်ချစ်ပုံပြင်သီချင်းလေးကို သမီးတို့(၃)ယောက်အတွက် လက်ဆောင် အနေနဲ့ ဆိုခိုင်းတာကြောင့် အခုသီချင်းတိုက်နေပါတယ်။ Cover Song အနေနဲ့ ပြန်ဆိုသွားမယ်ပေါ့နော်၊ မကြာခင်ပရိသတ်ကြီးကလည်းနားထောင်ရတော့မှာမို့လို့ သီချင်းလေးထွက်လာရင် အားပေးပါဦးလို့တောင်းဆိုချင်ပါတယ်"ဆိုပြီး ညီအစ်မ(၃)ယောက်က သူတို့ပြန်လည်သီဆိုထားတဲ့သီချင်းလေးနဲ့ ပတ်သက်ပြီးအားပေးဖို့တိုက်တွန်းထားကြပါတယ်။ 

Photo-Zayar Aung FB

သရုပ်ဆောင်တွေဖြစ်ကြတဲ့ ဇေယျာအောင်နဲ့ လှိုင်ဖြူဖြူထွဏ်းတို့ရဲ့သမီးချောလေး သုံးယောက်စလုံးကတော့ လိမ္မာရေးခြားရှိပြီး အလှတစ်မျိုးစီပိုင်ဆိုင်ထားကြတဲ့ ချောမောလှပတဲ့ မိန်းမပျိုလေးတွေပါ။ သူတို့ (၃)ဦးစလုံးက တော့ အနုပညာအလုပ်တွေကို လုပ်ကိုင်နေကြပြီး Collagen ကြော်ငြာ၊ အချိုရည်ကြော်ငြာတွေကို ရိုက်ကူးပြီးစီးထားပြီပဲ ဖြစ်ပါတယ်။ 

Smile-မြတ်ပန်းမှုံထက်

Smile က သမီးအကြီးဆုံးလေးဖြစ်ပြီး မိခင်ဖြစ်သူနဲ့ ဖခင်ဖြစ်သူ နှစ်ဦးစလုံးရဲ့ အသွေးအမွေးတွေနဲ့ချစ်စရာကောင်းတဲ့ ကောင်မလေးတစ်ယောက်တစ်ယောက်ပါ၊ သူမကတော့ သရုပ်ဆောင်တစ်ယောက်ဖြစ်ချင်တဲ့အကြောင်းကိုလည်း အခုလို ပြောပြလာပါတယ်။

" သရုပ်ဆောင်တဲ့အခါမှာ အခက်အခဲတော့မရှိပါဘူး။ ဖေဖေနဲ့မေမေကလည်း ရိုက်ကွင်းတစ်ခုလုံးမှာဘေးမှာနေပြီးသေချာသင်ပေးတဲ့အတွက် အဆင်ပြေခဲ့ပါတယ်။ သရုပ်ဆောင်အလုပ်ကို အလုပ်လုပ်ခွင့်ရတဲ့အချိန်ထိ လုပ်ချင်တယ်"လို့ Smile က ဆိုပါတယ်။

Snow- ပွင့်ပန်းမှုံထက်

Snow က တော့အမြွှာထဲက အငယ်မလေးဖြစ်ပြီး သူမကိုတော့ သမီး(၃)ယောက်ထဲမှာ အ ချောဆုံးလို့ ပရိသတ်တွေက အမှတ်ပေးထားကြပါတယ်။ Snow လေးက အဖေတူသမီးလေးဖြစ်ပြီး သမီး(၃)ယောက်ထဲမှာလည်း အရပ်အရှည်ဆုံးလည်းဖြစ်ပါတယ်။ သူမကတော့ မော်ဒယ်လ် တစ်ယောက်ဖြစ်ချင်တယ်လို့ဆိုပါတယ်။ 

" သရုပ်ဆောင် အလုပ်ထက် မော်ဒယ်လ်ပိုဖြစ်ချင်ပါတယ်။ ဖေဖေကလည်း ဘာအလုပ်ပဲလုပ်လုပ် သမီးတို့ကို ပေါ့ပေါ့ပျက်ပျက် မလုပ်စေချင်ဘူး၊ အဲ့ဒီအတွက်လည်း သမီးတို့ကလည်းအခုအနုပညာအလုပ်တွေလုပ်တဲ့အချိန်မှာ ပေါ့ပျက်ပျက်လုပ်ထားတာမျိူးမရှိပါဘူး" လို့ သူမရဲ့ ဝါသနာကို ပြောပြလာပါတယ်။

Sweety -စူးရှထက်

Sweety လေးက သမီးအငယ်ဆုံးလေးဖြစ်ပြီး အသက်က ၁၃နှစ်သာ ရှိပါသေးတယ်။ အသက်၁၃နှစ် ဆိုပေမယ့်လည်း အသံအကောင်းဆုံးပိုင်ရှင်ပါလို့လည်း ကျန်တဲ့အစ်မနှစ်ယောက်စလုံးက မှတ်ချက်ပေးထားကြပါတယ်။ ချစ်စရာကောင်းတဲ့ ကောင်မလေးဖြစ်ပြီး အသံလေးကလည်း မျက်နှာလေးနဲ့ လိုက်အောင် ချစ်ဖို့ကောင်းတယ်လို့ဆိုရမှာပါပဲ၊

 သရုပ်ဆောင် ဇေယျာအောင်နဲ့ သရုပ်ဆောင် လှိုင်ဖြူဖြူထွဏ်းတို့ကတော့ ၂၀၀၆ခု နှစ်မှာ အိမ်ထောင်ပြုခဲ့တာဖြစ်ပြီး ၂ဝဝ၇ ခုနှစ်မှာတော့ အမြွှာလေးတွေဖြစ်ကြတဲ့ Smile နဲ့ Snow တို့ကို မွေးဖွားခဲ့ကြတာဖြစ်ပြီး နောက်၂နှစ်အကြာမှာတော့ သမီးငယ်လေး Sweety ကိုမွေးဖွားခဲ့တာပါ။ သူတို့နှစ်ဦးရဲ့ အိမ်ထောင်သက်ကတော့အခုဆိုရင် ၁၆နှစ်ပြည့်ခဲ့ပြီးဖြစ်ပြီး သာယာပျော်ရွှင်ဖွယ်ကောင်းတဲ့ မိသားစုဘဝလေးကိုတည်ဆောက်ထားနိုင်ခဲ့ပြီဖြစ်ပါတယ် ။