Photo - ရဲဇာနည်
မိတ္ထီလာ အမှတ်(၂) အခြေခံပညာအထက်တန်းကျောင်းမှာ စာမေးပွဲဖြေဆိုရမယ့် ကျောင်းသူတစ်ယောက် ဖျားနာနေတာကြောင့် သွားရောက်ခေါ်ဆောင်ပေးဖို့အတွက် ဆရာတစ်ယောက်က အကူအညီတောင်းခဲ့ပါတယ်။
အဲ့တာကြောင့် ယာဉ်ထိန်းရဲတပ်ဖွဲ့ဝင်က ပြည်သာယာ( မြောက်)ရပ်ကွက်နေ တက္ကသိုလ်ဝင်တန်းစာမေးပွဲဖြေဆိုမယ့် ကျောင်းသူကို သွားရောက်ခေါ်ဆောင်ပေးခဲ့ပြီး မနက် ၉ နာရီခွဲအချိန်မှာ ကျောင်းကိုရောက်ရှိပြီး စာမေးပွဲဖြေဆိုနိုင်ခဲ့တယ်လို့ မြန်မာနိုင်ငံရဲတပ်ဖွဲ့က သတင်းထုတ်ပြန်ပါတယ်။
ဒါ့အပြင် ဒီနေ့ မနက်ပိုင်းကလည်း မွန်ပြည်နယ်၊ သထုံမြို့နယ်၊ သုဝဏ္ဏဝတီမြို့၊ ကျိုက္ကော် ရပ်ကွက်၊ အခြေခံပညာအထက်တန်းကျောင်း(ကျိုက္ကော်)မှာ တက္ကသိုလ်ဝင်တန်းစာမေးပွဲဖြေဆိုဖို့ ရောက်လာတဲ့ ကျောင်းသူတစ်ယောက် အမောဖောက်မှုဖြစ်ပွားခဲ့ပါတယ်။
Photo - ရဲဇာနည်
အမောဖောက်ဝေဒနာ ခံစားနေရတဲ့ ကျောင်းသူကိုလည်း အမျိုးသမီးရဲမေပါဝင်တဲ့ ရဲတပ်ဖွဲ့ဝင်တွေနဲ့ ကျာင်းဆရာမတွေက ဆေးရုံကိုအရေးပေါ်ယာဉ်နဲ့ လိုက်လံကူညီပို့ဆောင်ပေးခဲ့ပြီး ဆေးရုံမှာ စာမေးပွဲဆက်လက်ဖြေဆိုစေခဲ့တယ်လို့ သိရပါတယ်။