“ကျွန်တော်တို့ သတင်းကြားထားပါတယ်။ သမ္မတက ရွေးပြီးတော့ တိုင်းလွှတ်တော်ကို ပို့ရမှာပါ ။ တိုင်းလွှတ်တော်က အတည်ပြုပေးရမှာပေါ့။ “ လို့ တနင်္သာရီတိုင်း ပြည်သူ့လွှတ်တော်ကိုယ်စားလှယ် ဦးအောင်စိန်က Duwun ကို ပြောပါတယ်။

မတ်လ ၁၈ ရက်မှာ နိုင်ငံတော်သမ္မတက တိုင်းလွှတ်တော်ကို အဆိုပြုလွှာပေးပို့ထားပြီး ဒီကိစ္စနဲ့ ပတ်သက်လို့ လာမယ့်အပတ်မှာ တနင်္သာရီတိုင်းလွှတ်တော် အရေးပေါ်အစည်းအဝေး ပြုလုပ်သွားမယ်လို့ သိရပါတယ်။ သယံဇာတနဲ့ ပတ်ဝန်းကျင်ထိန်းသိမ်းရေးဝန်ကြီး ဦးမြင့်မောင်ဟာ အသက် ၄၀ ကျော်သာရှိသေးပြီး ရိုးရိုးသားသား အလုပ်ကြိုးစားသူတစ်ဦးဖြစ်တယ်လို့ လွှတ်တော်ကိုယ်စားလှယ်အချို့က သုံးသပ်ပါတယ်။

တနင်္သာရီတိုင်းဝန်ကြီးချုပ်ဟောင်း ဒေါက်တာဒေါ်လဲ့လဲ့မော်ကို လာဘ်စားမှုနဲ့ အဂတိလိုက်စားမှု တိုက်ဖျက်ရေးကော်မရှင် မတ်လ ၁၀ ရက်က အရေးယူထားပါတယ်။ လက်ရှိမှာ ဒေါက်တာဒေါ်လဲ့လဲ့မော်ဟာ ဖမ်းဆီးထိန်းသိမ်းခံထားရပြီး အမှုရင်ဆိုင်နေရပါတယ်။ လာဘ်စားမှု ကြောင့် ဒေါက်တာလဲ့လဲ့မော်ကို မတ်လ ၁၁ ရက်မှ စတင်ကာ ရာထူးတာဝန်ကနေ ရပ်စဲလိုက်ကြောင်း နိုင်ငံတော်သမ္မတရုံးက ထုတ်ပြန်ခဲ့ပါတယ်။