သင်ဇာဝင့်ကျော်က သူမရဲ့ ကောက်ကြောင်းပေါ်မှာထိုးခဲ့တဲ့ နှင်းဆီပန်းပုံ တက်တူးအကြောင်းကို ပြောပြလာပါတယ်။ ဖြစ်နိုင်ရင်တော့ တစ်ကိုယ်လုံးကို တက်တူးထိုးချင်တာပါတဲ့။

‘’ဒီတစ်ခေါက် တက်တူးထိုးတာ အရမ်းနာတယ်၊ အရိုးထဲကအထိ စိမ့်နာတာ။ နောက်ပိုင်း Lighting လေးထည့်တာပေါ့။ ဒါက Lighting တွေဘာတွေ သေချာမထည့်ရသေးဘူး။ မပြီးသေးဘူးပေါ့။ ထပ်ထိုးတာ မခံနိုင်တော့လို့ ထိုးပြီးတဲ့အချိန်မှာ ဖျားပါဖျားသွားတယ်။ ထပ်ထိုးဖို့ စဉ်းစားထားတာတွေတော့ရှိတယ်။ ခဏလေး ရပ်ထားဦးမယ်။ ထိုးချင်နေတာကတော့ တစ်ကိုယ်လုံးပဲ’’ လို့ သူကဆိုပါတယ်။

Photo:Thinzarwintkyaw

‘’သင်ဇာ့ခန္ဓာကိုယ်မှာ တက်တူးအကြီးကြီးမရှိသေးဘူး။ ရှိသမျှတက်တူးတွေကလည်း Black & White ပဲဆိုတော့ ကာလာတက်တူးလေးလည်းထိုးချင်တယ်။ နှင်းဆီအနီရောင်ကိုလည်း အရမ်းကြိုက်တဲ့အခါကျတော့ ထိုးဖြစ်သွားတာပါ။ ၆ ပွင့်ထိုးတာပေါ့နော်။ သင်ဇာက နှင်းဆီအနီကို အရမ်းကြိုက်တယ်၊ အမှတ်တရအနေနဲ့ ထိုးဖြစ်သွားတာပါ’’ လို့ ဆိုပါတယ်။

Photo: Thinzarwintkyaw

သင်ဇာဝင့်ကျော်က နှင်းဆီပန်း ၆ ပွင့် ပုံစံတက်တူးကို ခါးနဲ့ပေါင်ရင်း ကောက်ကြောင်းပေါ်မှာ ထိုးခဲ့တယ်လို့ ဆိုပါတယ်။

‘’ မသိဘူး အဲဒီနေရာမှာ ထိုးချင်နေတာတော်တော်ကြာပြီ။ ဘာကြောင့်လဲဆိုတော့ ဒီနေရာက မိန်းကလေးတစ်ယောက်အတွက် ခန္ဓာကိုယ်ကောက်ကြောင်းနေရာလို့ ပြောလို့ရတယ်လေ။ အဲဒီနေရာမှာ ထိုးရင် ပိုပြီး ဆွဲဆောင်မှုရှိမယ်ထင်လို့၊ ကြိုက်တဲ့ စိတ်လေးပဲရှိတာပါ အလှပေါ်စေချင်လို့ ထိုးတာမျိုးတော့ မရှိပါဘူး’’ လို့ ဆက်လက်ပြောပြလာပါတယ်။

သင်ဇာဝင့်ကျော်ဟာ သူမရဲ့ ဖေ့စ်ဘွတ်မှာ ဓာတ်ပုံအလန်းစားလေးတွေကို အမြဲတမ်း တင်ဖြစ်နေသူပါ။သင်ဇာဝင့်ကျော်ကတော့ နောက်ပိုင်း မှာသူမရဲ့ခန္ဓာကိုယ်အလှအပနဲ့ ပတ်သက်ပြီး ပရိသတ်တွေ ကြားရေပန်းစားနေသူ တစ်ဦးလည်း ဖြစ်ပါတယ်။ အနုပညာ လှုပ်ရှား မှုတွေ ဆက်တိုက်လုပ်ကိုင်လျက် ရှိပါတယ်။ မကြာသေးခင်ကလည်း ပူတာအိုမှာ ‘’နှင်းပွင့်စေရာ’’ဆိုတဲ့ ရုပ်ရှင်ကားကြီးကို သရုပ်ဆောင် မြင့်မြတ်နဲ့အတူ ပါဝင်ရိုက်ကူးခဲ့ပါသေးတယ်။