Photo- Vo Wanna
အတိုင်ပင်ခံရဲ့ ဖေဖော်ဝါရီ ၇ ရက်နေ့ မှာ မုံရွာတက္ကသိုလ်ကို သွားတဲ့ ခရီးစဉ်မှာ ကားပေါ်ကနေ ပြုတ်ကျခဲ့တာ ဖြစ်ပါတယ်။ နိုင်ငံတော်၏ အတိုင်ပင်ခံပုဂ္ဂိုလ် စီးနင်းလိုက်ပါလာတဲ့ကားက တက္ကသိုလ်ကို ဝင်ဖို့သွားတဲ့ ကားလမ်းကြောင်းမှာ ချယ်ရီထက်က ကားပေါ်ကနေတွယ်ပြီး လိုက်ပါလာခဲ့ကာ တက္ကသိုလ်အဝင်အနီးမှာ ပြုတ်ကျခဲ့တာပါ။
ပြုတ်ကျမှုကြောင့် ကြီးကြီးမားမား ထိခိုက်မှုဖြစ်တာမျိုး မရှိခဲ့ဘဲနဲ့ ချက်ချင်းပြန်ထပြီး မတ်တပ်ရပ်ခဲ့တာကို တိုက်ရိုက်ထုတ်လွှင့်မှုမှာ တွေ့ခဲ့ရပါတယ်။ ကားမရပ်ခင်မှာ ကားပေါ်ကနေ ခုန်အဆင်း ဟန်ချက်လွဲသွားပြီး လဲကျတာဖြစ်တယ်လို့ အတိုင်ပင်ခံရုံးကနေ တိုက်ရိုက်ထုတ်လွှင့်မှုမှာ မြင်တွေ့ခဲ့ရပါတယ်။
နိုင်ငံတော်၏အတိုင်ပင်ခံပုဂ္ဂိုလ်က ဒီနေ့နေ့လယ်မှာ ခန္တီးမြို့ထမံသီမှာ လူထုနဲ့တွေ့ဆုံပြီးတော့ မုံရွာတက္ကသိုလ်ကို သွားရောက်ခဲ့ပါတယ်။ အတိုင်ပင်ခံရဲ့ ခန္တီး၊ လဟယ်၊ ဟုမ္မလင်း ခရီးစဉ်ကို ဖေဖော်ဝါရီလ ၆ ရက်နေ့မှာ စတင်ခဲ့တာဖြစ်ပါတယ်။