စိုးမြတ်နန္ဒာက သူများတွေ ခရီးထွက်နေရလို့ သူမ မထွက်နိုင်တဲ့ အခြေအနေတစ်ခုအပေါ် ခံစားချက်ကို ရင်ဖွင့် ပြောပြလာပါ တယ်။ သူ့ရဲ့ ရင်ဖွင့်စကားအပေါ်မှာလည်း သဘောကျသွားတဲ့ ပရိသတ်တွေ အများကြီးပါ။

သရုပ်ဆောင် စိုးမြတ်နန္ဒာ တစ်ယောက် '' မင်းသမီး'' ပိုးထည်တိုက် မှာဆိုင်ထိုင်ရင်း ခရီးထွက်နေကြတဲ့ သူတွေကို အားကျမဆုံး ဖြစ်လို့နေပါတယ်။ သူမကတော့ ဘယ်အချိန်မဆို အမြဲတမ်း ပြုံးပျော်နေတတ်တဲ့သူဖြစ်ပါတယ်။

''သူများတွေ New Year အတွက် ခရီးတွေထွက် , အရမ်းတွေပျော်နေချိန် ... ဆိုင်မှာ ပေတလူးရုပ်နဲ့ ဈေးတွေရောင်းနေရတဲ့ အခါ'' ဆိုပြီးတော့ ဒီဇင်ဘာလ ၃၀ ရက်နေ့ ည ၆ နာရီခွဲက သူ့ရဲ့ ဖေ့စ်ဘွတ်မှာ ရေးသားခဲ့ပါတယ်. အဲ့ဒီနောက် ချစ်စရာကောင်း အောင် မျက်နှာပြောင်ပြီး ရိုက်ထားတဲ့ ဓာတ်ပုံတွေကိုလည်း ပျော်ပျော်ပါးပါး တင်ခဲ့တာကို တွေ့ရပါတယ်။ 

စိုးမြတ်နန္ဒာက လက်ရှိမှာတော့ အနုပညာအလုပ်တွေ ရပ်နားထားပြီး ကိုယ်ပိုင်စီးပွားရေးလုပ်နေတဲ့ မင်းသမီးချော တစ်ယောက် ဖြစ်ပါတယ်။ အခုချိန်မှာလည်း ''မင်းသမီး ပိုးထည်တိုက်'' ဆိုတဲ့ ဆိုင်ကိုတော့ အစ်မဖြစ်သူ စိုးမြတ်သူဇာ၊ ညီမလေးတွေဖြစ်ကြတဲ့ စန္ဒီမြင့်လွင်၊ စိုးပြည့်သဇင်တို့နဲ့ အတူ ပူးပေါင်းဖွင့်လှစ်ထားပြီး ကိုယ်တိုင်လည်း ဆိုင်ထိုင်နေတယ်လို့ သိရပါတယ်။

Photo: Soe Myat Nandar

အဲ့ဒီနောက် သူမရဲ့ချစ်သူ အဆိုတော်စိုးသူရဲ့ အနုပညာအလုပ်တွေမှာလည်း ဝိုင်းဝန်းအကြံပေးဖြစ်နေတာကို တွေ့ရပါတယ်။ နှစ်ယောက် အတူတူ လည်း အလှူအတန်းတွေ၊ ကုသိုလ်ကောင်းမှုတွေ၊ ဘာသာရေးတွေ မကြာခဏ လုပ်လေ့ရှိပါတယ်။ အခုဆိုရင် သရုပ်ဆောင် စိုးသူနဲ့ စိုးမြတ်နန္ဒာတို့ဟာ ချစ်သူသက်တမ်း (၅) နှစ်ကျော်ထဲ ရောက်ရှိနေပြီ ဖြစ်ပါတယ်။

Photo: ဖြိုးမိုးသိဂီၤ

စိုးမြတ်နန္ဒာဟာ သားဖြစ်သူမြတ်သောမောင်ရဲ့ ဝေယျာဝစ္စတွေကို လုပ်ပေးရင်း မိခင်တစ်ယောက်ရဲ့ တာဝန်ကို ထမ်းဆောင်နေပါတယ်။ မြတ်သောမောင်က အခုလက်ရှိမှာ အသက် ၁၀ နှစ်ကျော်ပြီ ဖြစ်ပါတယ်။ IT နဲ့ ပတ်သက်ပြီး စိတ်ဝင်စားတာကြောင့် ကြီးလာရင် Game တွေထုတ်ဖို့၊ Software တွေရေးဖို့ကိုပဲ အားသန်တဲ့ ကလေးလေး ဖြစ်တယ်လို့ သိရပါတယ်။