VAR စနစ်ကို အက်ဖ်အေဖလားနဲ့လိဂ်ဖလားပွဲတွေမှာ အသုံးပြုမယ့် ထိုင်းFA

ဒီနှစ် ဘောလုံးရာသီအစကတည်းက ထိုင်းမှာ VAR စနစ်ကို မိတ်ဆက်ခဲ့တာ ဖြစ်ပေမယ့် ကလပ်အသင်း အချို့ရဲ့ စောဒဂတက်မှုကြောင့် ဖီဖာက ထိုင်းFAကို VAR အသုံးပြုမှု ပြန်လည်ဆိုင်းငံ့ထားရာမှ ယခုအခါ ပြန်လည် စတင်အသုံးပြုဖို့ လုပ်ဆောင်လာတာပါ။

VAR စနစ်ကိုတော့ ပြီးခဲ့တဲ့ လိဂ်(၁)ပွဲစဉ်ရဲ့ နောက်ဆုံး ၆ ပွဲလောက်မှာ အသုံးပြုထားပြီး အခုဆက်လက် အသုံး ပြုမယ့် လိဂ်ဖလားပြိုင်ပွဲကတော့ စက်တင်ဘာ ၂၈ နဲ့ အက်ဖ်အေဖလားပွဲကတော့ နိုဝင်ဘာ ၂ ရက်နေ့ တွေမှာ ကျင်းပမယ့်ပွဲတွေလို့ သိရပါတယ်။

VAR စနစ်ကို ထိုင်းမှာစတင် မိတ်ဆက်တာကတော့ ဒီနှစ် ဘောလုံးရာသီစတင်ချိန်မှာဖြစ်ပြီး ပြဿနာတွေ များခဲ့လို့ အသုံးမပြုပဲ ရပ်ဆိုင်းထားခဲ့ရာမှ ယခုအခါ ပြန်လည်အသုံးပြုဖို့ အတည်ပြုခဲ့တာပါ။

“ ဒိုင်ချုပ်နဲ့ ညှိုနှိုင်းဆောင်ရွက်မှုအရ လိဂ်ဖလားနဲ့အက်ဖ်အေဖလားပွဲတွေမှာ VAR စနစ်ကို အသုံးပြုဖို့ သဘော တူညီမှု ရခဲ့တာပါ။” လို့ FAT ရဲ့ တွဲဖက် အထွေထွေအတွင်းရေးမှူး ပါတစ်က ဘန်ကောက်ပို့စ် သတင်းဌာနကို ပြောသွားပါတယ်။

အခုလို လိဂ်ဖလားပွဲတွေမှာ အသုံးပြုပေမယ့် ထိုင်းလိဂ်(၁)ပွဲစဉ်တွေမှာ ပြန်လည်အသုံးပြုဖို့တော့ လုံလောက် တဲ့ ဒိုင်တွေရဲ့ အရည်အသွေးရှိနေဦးမှာ မဟုတ်ဘူးလို့လည်း ဆိုပါတယ်။

ထိုင်းမှာရှိတဲ့ ဒိုင်တွေအနေနဲ့ ဖီဖာနဲ့ ပူးပေါင်းပြီး VAR စနစ်ကို စနစ်တကျ အသုံးပြုနိုင်အောင် လာမယ့် အောက်တိုဘာလထဲမှာ ဆက်လက် လေ့လာ သင်ယူရမယ်လို့ ပါတစ်က ဆက်လက်ပြောခဲ့ပါသေး တယ်။