ရော်နယ်ဒိုဟာ တနင်္ဂနွေနေ့ညက ကစားခဲ့တဲ့ ရီးရဲလ်မက်ဒရစ်နဲ့ ဘာစီလိုနာတို့ရဲ့ အယ်လ်ကလက်စီကို စပိန်စူပါဖလား ဗိုလ်လုပွဲ ပွဲစဉ်ကို လာရောက်ကြည့်ရှုအားပေးခဲ့ပါတယ်။ ဒီပွဲမှာ ရီးရဲလ်မက်ဒရစ်က အနိုင်ယူဗိုလ်စွဲခဲ့တာဖြစ်ပါတယ်။
ဘာစီလိုနာက အိုဆာဆူနာကို အနိုင်ရရှိခဲ့တဲ့ စပိန်စူပါဖလားရဲ့ ဆီမီးဖိုင်နယ်ပွဲစဉ်မှာတော့ ပရိသတ်တွေက ပွဲကစားချိန် (၁၀) မိနစ်မှာ မက်ဆီရဲ့နာမည်ကို အော်ဟစ်အားပေးခဲ့ကြပါတယ်။ ဒါက ရော်နယ်ဒိုအတွက်တော့ စိတ်အနှောင့်အယှက်စရာဖြစ်ခဲ့ရပါတယ်။
ရီးရဲလ်မက်ဒရစ်က ဘာစီလိုနာကို ၄-၁ ဂိုးနဲ့ အနိုင်ရရှိခဲ့တဲ့ စပိန်စူပါဖလား ဗိုလ်လုပွဲ ပွဲစဉ်မှာတော့ ပရိသတ်တွေက ရော်နယ်ဒိုရဲ့ နာမည်ကို ကွင်းပြင်လျှံထွက်တဲ့အထိ အောင်ပွဲခံခဲ့ကြောင်း မီဒီယာတွေက ဖော်ပြခဲ့ပါတယ်။
ဒီလိုမျိုုး ရော်နယ်ဒို လာရောက်အားပေးချိန်မှာ သူ့ရဲ့ ညာဘက် လက်သကြွယ်မှာ အမည်းရောင် အစွပ်တစ်ခုကို မြင်တွေ့ခဲ့ရပါတယ်။ အဆိုပါပစ္စည်းဟာ ကစားသမားတစ်ယောက်ရဲ့ နှလုံးခုန်နှုန်း၊ ခန္ဓာကိုယ်အပူချိန်နဲ့ လှုပ်ရှားမှုတွေကို စနစ်တကျ တိုင်းတာတဲ့ ပစ္စည်းတစ်ခုဖြစ်ကြောင်းလည်း သတင်းတွေက ဖော်ပြခဲ့ပါတယ်။