ကြာသာပတေးနေ့အစောပိုင်းကစလို့ ယူကရိန်းကို ရုရှားတပ်တွေ ကျူးကျော်တိုက်ခိုက်လာစဉ်မှာပဲ ယူကရိန်းစစ်တပ်ကို Bitcoin လှူဒါန်းမှုတွေ မြင့်တက်လာတယ်လို့ ဆိုပါတယ်။
Elliptic လို့ခေါ်တဲ့ Blockchain အကဲခတ်လေ့လာရေးလုပ်ငန်းတစ်ခုရဲ့ အချက်အလက်သစ်တွေအရ ဖေဖော်ဝါရီ ၂၄ ရက် ကြာသာပတေးနေ့ ၁၂ နာရီကျော်အတွင်း ဒေါ်လာ ၄ သိန်းနီးပါး တန်ဖိုးရှိတဲ့ Bitcoin တွေကို ယူကရိန်းစစ်တပ်အတွက် ထောက်ပံ့ဖို့ Come Back Alive လို့ ခေါ်တဲ့ ယူကရိန်း NGO အဖွဲ့အစည်းတစ်ခုဆီ လာလှူကြတယ်လို့ ဆိုပါတယ်။
Photo: Moneycontrol
“Charitable Foundation ကို လာလှူကြတဲ့ ရံပုံငွေအားလုံးက စစ်တပ် လိုအပ်တဲ့နေရာတွေမှာပဲ သုံးသွားမှာပါ။” လို့ အဖွဲ့အစည်းရဲ့ ဝက်ဘ်ဆိုက်မှာ ဖော်ပြထားပြီး စစ်တပ်ဆီလှူထားတဲ့ စာရင်း Live Spreadsheet တစ်ခုလည်း ဖော်ပြထားပါတယ်။
ရုရှား-ယူကရိန်း တင်းမာမှုတွေ မြင့်တက်လာခဲ့တဲ့ ပြီးခဲ့တဲ့သီတင်းပတ်တွေကတည်းက ရုရှားကျူးကျော်မှုကို ခုခံဖို့ ယူကရိန်း NGO နဲ့ စေတနာ့ဝန်ထမ်းအဖွဲ့အစည်းတွေကို ဒေါ်လာသိန်းပေါင်းများစွာ တန်တဲ့ Crypto လှူဒါန်းမှုတွေ ရှိခဲ့တာလည်း ဖြစ်ပါတယ်။
အခုလို လှူဒါန်းမှုတွေဟာ ယူကရိန်းစစ်တပ်မှာ လိုအပ်တဲ့ စစ်တပ်အသုံးအဆောင် ၊ ဆေးဝါးအထောက်အပံ့ ၊ဒရုန်းတွေလိုမျိုး ပစ္စည်းတွေ တပ်ဆင်နိုင်ဖို့ ရည်ရွယ်ချက်တွေနဲ့ ပြည်သူတွေက Cryptocurrency လှူဒါန်းမှုတွေ လုပ်ခဲ့တာပါ။
ဒါတင်မကဘဲ လူတစ်ယောက်ကို မျက်နှာစကင်ဖတ်လိုက်တာနဲ့ ရုရှားသူလျှိူ ဒါမှမဟုတ် စစ်သား ဟုတ်မဟုတ် ခွဲခြားနိုင်တဲ့ မျက်နှာပြင်ဖတ်နည်းပညာ App ရေးဆွဲရေးမှာပါ ထောက်ပံ့နိုင်ဖို့ အခုလို လှူလာကြတာလည်း ဖြစ်ပါတယ်။