၂၀၁၉ ခုနှစ်ဟာ အရင်နှစ်တွေကထက် မုတ်သုံလေအဝင်နောက်ကျပြီး မိုးရွာသွန်းမှု လျော့နည်းနေတဲ့အပြင် အပူချိန်တွေလည်း မြင့်မားနေတယ်လို့ မိုးလေဝသပညာရှင်ဒေါက်တာ ဦးထွန်းလွင်က လူမှုကွန်ရက်စာမျက်နှာ ရေးသားဖော်ပြထားပါတယ်။

ဒါ့အပြင် ကျန်ဒေသတွေကိုတော့ မေလကုန် ဇွန်လဆန်းပိုင်းမှာ ဆက်လက်ဝင်ရောက်သွားဖွယ်ရာရှိနေတယ်လို့ ဆိုပါတယ်။ မြန်မာနိုင်ငံ မြစ်ဝကျွန်းပေါ်ဒေသကိုတော့ မေလ ၂၄ ရက်ကနေ ၂၈ ရက်အတွင်း၊ မြန်မာနိုင်ငံအလယ်ပိုင်းဒေသကို မေလ ၂၉ ရက်ကနေ ဇွန်လ ၃ ရက်အတွင်း၊ မြန်မာတစ်နိုင်ငံလုံးကို ဇွန်လ ၃ ရက်ကနေ ၈ ရက်အတွင်းဝင်ရောက်မယ်လို့ မိုးလေဝသနှင့်ဇလဗေဒညွှန်ကြားမှု ဦးစီးဌာန ထုတ်ပြန်ချက်အရသိရပါတယ်။

မိုးဦးကာလရောက်လာပေမယ့်လည်း အယ်လ်နီညိုရဲ့ အရှိန်မကုန်သေးတာကြောင့် ရာသီဥတုကတော့ ဆက်လက်ပူပြင်းဦးမယ်လို့ မိုးဇလဌာနမှ ညွှန်ကြားရေးမှူးချုပ် ဦးကျော်မိုးဦးက ဆိုပါတယ်။ လက်တလောမှာ ဘင်္ဂလားပင်လယ်အော်မှာ မုန်တိုင်းဖြစ်ဖို့ အခြေအနေမရှိသေးဘဲ ယခုလအတွင်း လေဖိအားနည်းရပ်ဝန်း (၂) ကြိမ်ဖြစ်ပေါ်နိုင်ပြီး (၁) ကြိမ်မှာ ပိုမိုအားကောင်းတဲ့ မုန်တိုင်းငယ်တစ်ခု ဖြစ်လာနိုင်တယ်လို့လည်း မိုးဇလက ခန့်မှန်းထားပါတယ်။