Xiaomi ရဲ့ အသစ်စက်စက် Redmi K50 Gaming Edition ဟာ တရုတ်ဈေးကွက်မှာ ရောင်းအားတက်နေတယ်လို့ ဆိုပါတယ်။
တရုတ်ဈေးကွက်မှာ Flash Sale ထုတ်ရောင်းရာမှာ Redmi K50 Gaming ဟာ ၁ မိနစ်အတွင်း ယွမ်သန်း ၂၈၀ ကျော် (ဒေါ်လာ ၄၄.၂ သန်း) ဖိုး ရောင်းချနိုင်ခဲ့တယ်လို့ Gizmochina သတင်းက ဖော်ပြပါတယ်။
Redmi Brand တွေထဲမှာ ပထမဆုံး Snapdragon 8 Gen 1 SoC နဲ့လာတဲ့ ဒီဖုန်းဟာ အကြီးစား VC Chamber အအေးခံစနစ် ၊ ၆.၆၇ လက်မ AMOLED Display နဲ့ 120Hz Refresh Rate ၊ 480Hz Touch Sampling Rate တို့ သုံးလာပါတယ်။ 4700mAh ဘက်ထရီနဲ့ 120W Fast Charging အတွဲက ၁၇ မိနစ်အတွင်း အားအပြည့်သွင်းစေနိုင်မယ်လို့ ဆိုပါတယ်။
Photo: GSMArena
Redmi K50 Gaming ဟာ 64MP Sony IMX686 sensor ၊ 8MP ၁၂၀ ဒီဂရီ မြင်ကွင်းကျယ် ကင်မရာနဲ့ 2MP Telemacro ကင်မရာတွေနဲ့ လာပါတယ်။ ရှေ့ဘက်မှာ Video Call နဲ့ Selfie အတွက် 20MP Sony IMX596 Sensor သုံးထားပါတယ်။ Android 12 အခြေခံ MIUI 13 နဲ့လာပြီး RAM 12GB/256GB Storage အထိ ပါဝင်ပါတယ်။
Xiaomi Redmi K50 Gaming ကို Dream Color Blue ၊ Silver နဲ့ Black ကာလာတွေနဲ့လာပြီး Mercedes AMG F1 Edition လည်း ထွက်ထားပါတယ်။ 8GB/128GB ဗားရှင်းကို ၃၂၉၉ ယွမ် (မြန်မာငွေ ၉ သိန်းခွဲဝန်းကျင်) ဈေးကနေ စတင် ရောင်းချသွားမှာပါ။
12/128GB ဗားရှင်းကို ၃၅၉၉ ယွမ် (မြန်မာငွေ ၁၀ သိန်းကျော်) နဲ့ 12/256GB ဗားရှင်းကို ၃၈၉၉ ယွမ် (မြန်မာငွေ ၁၁ သိန်းခန့်) ဈေး သတ်မှတ်ထားပါတယ်။ Mercedes AMG F1 မော်ဒယ် 12/256GB ဗားရှင်းကိုတော့ ၄၁၉၉ ယွမ် (မြန်မာငွေ ၁၁ သိန်း ၈ သောင်းခန့်) ဈေးနဲ့ ရောင်းချသွားမှာ ဖြစ်ပါတယ်။