အာဆင်နယ်၊ချဲလ်ဆီးတု့ိ ပါဝင်ကစားမယ့် ယူရိုပါလိဂ် ပြိုင်ပွဲအကြောင်း သိကောင်းစရာ

အာဆင်နယ်အသင်းအနေနဲ့ ယူရိုပါလိဂ် ၂ နှစ်ဆက်ကစားမှာ ဖြစ်သလို ချဲလ်ဆီးကလည်း ၂၀၁၃ ခုနှစ်က ချန်ပီယံ ဖြစ်ခဲ့ပြီးနောက် ပထမဆုံး အကြိမ် ပါဝင်ကစားမှာ ဖြစ်ပါတယ်။

Sports

ခရိုအေးရှားကြယ်ပွင့်ကစားသမားကို နောက်ဆုံးအချိန်မှာ ကမ်းလှမ်းမယ့် အာဆင်နယ်

7 years ago

---

Photo - Daily Mail

ရော်နယ်ဒို နဲ့ ဆာလာကို ကျော်ဖြတ်ပြီး UEFA အကောင်းဆုံးကစားသမားဆုကို ရရှိခဲ့တဲ့ မိုဒရစ် 

ယခုနှစ်ယူရိုပါလိဂ် ပြိုင်ပွဲကို အင်္ဂလန်နာမည်ကြီး ကလပ်အသင်းတွေ ဖြစ်တဲ့ အာဆင်နယ်၊ချဲလ်ဆီးတို့ ပါဝင်လာမှုနဲ့အတူ ပြိုင်ပွဲဆိုင်မှု ပိုမို မြင့် တက်လာဖွယ်ရှိနေပါတယ်။

Photo - m-api.allfootballapp.com

ချဲလ်ဆီးကတော့ ၂၀၁၃ ခုနှစ်နောက်ပိုင်း ယူရိုပါလိဂ် ပြိုင်ပွဲကို ပထမဆုံး အကြိမ် ပြန်လည်ယှဉ်ပြိုင်တာဖြစ်ပြီး အာဆင်နယ်အသင်းကတော့ မနှစ်က ဆီမီးဖိုင်နယ်မှာ အက်သလက်တီကိုအသင်းကို ရှုံးပြီးနောက် အခုတစ်ကြိမ် ဆက်လက်ပါဝင်လာခဲ့တာ ဖြစ်ပါတယ်။

အင်္ဂလန်နောက်တစ်သင်းဖြစ်တဲ့ ဘန်လေအသင်းကတော့ ယူရိုပါလိဂ် ခြေစစ်ပွဲကို အိုလံပီယာကော့စ်နဲ့ ကစားခဲ့ရပြီး ရှုံးနိမ့်ခဲ့လို့ ခြေစစ်ပွဲ ောအင် မြင်လာခြင်းမရှိပါဘူး။

Photo - We Ain't Got No History

အုပ်စုပွဲစဉ်တွေအတွက် အသင်းတွေ မဲခွဲမှုကိုတော့ဒီကနေ့ သြဂုတ်လ ၃၁ ရက်နေ့ ဗြိတိန်စံတော်ချိန် နေ့လည် ၁၂ နာရီမှာ ပြင်သစ်နိုင်ငံ မိုနာကို မှာ ကျင်းပပြုလုပ်သွားမှာ ဖြစ်ပါတယ်။

ယူရိုပါလိဂ် ပြိုင်ပွဲကိုတော့ အသင်း ၁၇ သင်း တိုက်ရိုက်ခြေစစ်ပွဲအောင်မြင်လာခဲ့ပြီး ၂၁ သင်းကတော့ ပလေးအော့ဖ်ကစားခဲ့ရပါတယ်။ ချန်ပီယံ လိဂ် ခြေစစ်ပွဲမှာ ကျရှုံးခဲ့တဲ့ ၆သင်းကလည်း ယူရိုပါလိဂ်မှာကစားခွင့်ရဦးမှာ ဖြစ်ပြီး ချန်ပီယံလိဂ်မှာ တတိယအဆင့် ခြေစစ်ပွဲက ပြုတ်လာတဲ့ အသင်း ၄သင်းလည်း ပါဝင်ခွင့်ရမှာ ဖြစ်ပါတယ်။

အာဆင်နယ်အသင်းနဲ့ ချဲလ်ဆီးအသင်းတို့ကတော့ လက်ရှိ မဲအိုး ၁ မှာ ပါဝင်နေပြီး အုပ်စုတွင်းမှာ နိုင်ငံတူ အသင်းတွေ ကျရောက်မှု မရှိရတာ ကြောင့်လည်း လေဗာကူဆင်၊ဗီလာရီးရဲ၊လာဇီယို၊အေစီမီလန်နဲ့ လစ္စဘွန်းတို့နဲ့အတူ မဲအိုး ၁ထဲမှာ ကျရောက်နေပါတယ်။

ယူရိုပါလိဂ် အုပ်စုပွဲစဉ်တွေကိုတော့ လာမယ့် စက်တင်ဘာလ ၂၀ ရက်နေ့မှ စတင်ပြီး ဒီဇင်ဘာ ၁၃ ရက်နေ့မှာတော့ အုပ်စုနောက်ဆုံးပွဲတွေ ကစားစေမှာ ဖြစ်ပါတယ်။

အုပ်စု ၁၂ စုက ထိပ်ဆုံးရအသင်း ၂၄ သင်းက နောက်တစ်ဆင့်ကို တက်ရောက်မှာ ဖြစ်ပြီး ချန်ပီယံ အုပ်စု ၈ အုပ်စုက တတိယရ အသင်း ၈ သင်း နဲ့ပေါင်းကာ ၃၂ သင်းအဆင့်ကို ဆက်လက် ယှဉ်ပြိုင်ကစားစေမှာ ဖြစ်ပါတယ်။

ယူရိုပါလိဂ် ပြိုင်ပွဲရဲ့ လက်ရှိချန်ပီယံကတော့ စပိန်ကလပ် အက်သလက်တီကို မက်ဒရစ်အသင်း ဖြစ်ပြီး ယခုနှစ်မှာတော့ ချန်ပီယံလိဂ် ပြိုင်ပွဲကို ပါဝင်ခွင့်ရထားပါတယ်။