နာမည်ကျော် အားကစားကုမ္ပဏီတစ်ခုဖြစ်တဲ့ Adidas ဟာ X18.1 လို့ အမည်ပေးထားတဲ့ ဘောလုံးကန်ဖိနပ်တစ်ခုကို မိတ်ဆက်ပြသ လိုက်ပြီဖြစ်ပါတယ်။ ဒါဟာ ဂါရတ်ဘေးလ်အတွက် ရည်ရွယ်ပြီး ချုပ်လုပ်ထားတဲ့ ဖိနပ်ဖြစ်ပြီး အရေအတွက်အားဖြင့် အကန့်အသတ်နဲ့ ထုတ်လုပ်ထားတာ ဖြစ်တယ်လို့ သိရပါတယ်။
Photo : 90 min
ရီးရဲလ်မက်ဒရစ်အသင်းရဲ့ တောင်ပံကစားသမား ဘေးလ်ဟာ တရုတ်အသင်းကို (၆)ဂိုးပြတ်နဲ့ အနိုင်ရရှိခဲ့တဲ့ မတ်လအတွင်းက ပွဲစဉ်မှာ ဝေးလ်လက်ရွေးစင်အသင်းအတွက် ဟက်ထရစ်သွင်းယူပေးခဲ့ပြီး စုစုပေါင်း (၂၉) ဂိုးအထိ သွင်းယူပေးခဲ့ပြီး ဖြစ်ပါတယ်။ ဒါဟာ ဝေးလ်အသင်းရဲ့ သမိုင်းတစ်လျှောက် ဂိုးသွင်းအများဆုံး ကစားသမားအဖြစ် ဂါရတ်ဘေးလ်က ရပ်တည်နိုင်ခဲ့တာဖြစ်ပါတယ်။
အဆိုးဝါးဆုံးခြေစွမ်းတွေ ပိုင်ဆိုင်ခဲ့တဲ့ ရူဒီဂါ နဲ့ ဂရစ်မန်းဇ်
Photo : 90 min
ဒီစံချိန်မှတ်တမ်းအတွက် Adidas က ဘေးလ်အတွက် အထူးစီမံထားတဲ့ ဘောလုံးကန်ဖိနပ်ကို ဖန်တီးခဲ့တာ ဖြစ်ပါတယ်။ ဖိနပ်မှာတော့ ဝေးလ်နိုင်ငံရဲ့ အလံကို ထည့်သွင်းထားပြီး ဂါရတ်ဘေးလ်ရဲ့ သွင်းဂိုးအရေအတွက်ဖြစ်တဲ့ (၂၉)ဂဏန်းကို ရိုက်နှိပ်ပေးထားတာ ဖြစ်ပါတယ်။
Photo : 90 min
"TeamMode X18.1 လို့ အမည်ရတဲ့ ဖိနပ်ကို ဘေးလ်ရဲ့ အောင်မြင်မှုအတွက် ဖန်တီးထုတ်လုပ်ပေးထားပြီး အကန့်အသတ်နဲ့သာ ထုတ်လုပ်ထားတာပါ" လို့ Adidas က တရားဝင်ကြေငြာခဲ့ပါတယ်။
Photo : The 18
အရေအတွက်အားဖြင့် (၂၉) ရံသာ ထုတ်လုပ်ထားတဲ့ ဒီဖိနပ်ကို ကြာသာပတေးနေ့ညမှာ အွန်လိုင်းကတဆင့် ရောင်းချသွားမှာ ဖြစ်တာကြောင့် ပရိသတ်တွေအနေနဲ့ အလုအယက် ဝယ်ယူရမယ့်အရေးနဲ့ ကြုံတွေ့နေရပြီ ဖြစ်ပါတယ်။
Photo : 90 min
ဂါရတ်ဘေးလ်ဟာ ဒီဖိနပ်ကိုတော့ အိုင်ယာလန်နဲ့ပွဲမှာ ဝတ်ဆင်ကစားသွားခဲ့ပြီး တစ်ဂိုးသွင်းယူပေးကာ စုစုပေါင်းသွင်းဂိုး (၃၀) ပြည့်မြောက်သွားခဲ့ပြီ ဖြစ်ပါတယ်။ ဝေးလ်ကတော့ အိုင်ယာလန်ကို (၄-၁)ဂိုးနဲ့ ဂိုးပြတ်အနိုင်ရရှိခဲ့တာ ဖြစ်ပါတယ်။