ရီးရဲမက်ဒရစ်အသင်းရဲ့တိုက်စစ်မှူး ကာရင်ဘန်ဇီးမားဟာ ယနေ့နံနက်က ယှဉ်ပြိုင်ကစားခဲ့တဲ့ လီဂါနက်စ်အသင်းနဲ့ပွဲစဉ်မှာ ၂ ဂိုးသွင်းယူနိုင်ခဲ့ပြီး စံချိန်သစ်များစွာရေးထိုးသွားခဲ့တဲ့ အသင်းဖော်ဟောင်း ခရစ်စတီယာနိုရော်နယ်ဒိုကို ကျော်ဖြတ်နိုင်ခဲ့တယ်လို့ သိရပါတယ်။ ဘန်ဇီးမားဟာ ရီးရဲမက်ဒရစ်အသင်းအတွက် ဒုတိယမြောက်ဦးဆောင်ဂိုးနဲ့ တတိယမြောက်ဦးဆောင်ဂိုးကို သွင်းယူပေးခဲ့တာဖြစ်ပါတယ်။
Photos: Evening Standard
ဘန်ဇီးမားဟာ စပိန်ရဲ့ထိပ်တန်းအသင်းတွေထဲမှာ မတူညီတဲ့ အသင်း ၃၃ သင်းနဲ့ တွေ့ဆုံခဲ့ရာမှာ ၁၃၁ ဂိုးအထိ သွင်းယူနိုင်ခဲ့ပြီဖြစ်ပြီး ဂျူဗင်တပ်အသင်းကို ရော်နယ်ဒိုမထွက်ခွာမီ သွင်းယူခဲ့တဲ့သွင်းဂိုးထက် ၁ ဂိုးပိုမိုသွင်းယူနိုင်ခဲ့တာဖြစ်ပါတယ်။ အမှန်တကယ်တော့ ခရစ်စတီယာနိုရော်နယ်ဒိုဟာ ၃၃ သင်းထဲမှာ လီဂါနက်စ်အသင်းကို ဂိုးသွင်းယူနိုင်ခဲ့ခြင်းမရှိခဲ့ပါဘူး။
ဘယ်တော့မှ ဂိုးသွင်းနိုင်မှာလဲ ခရစ်စတီယာနိုရော်နယ်ဒို
ဘန်ဇီးမားဟာ ၂၀၁၈-၂၀၁၉ လာလီဂါရာသီအစ ၃ ပွဲမှာ ၄ ဂိုးအထိ သွင်းယူထားနိုင်ခဲ့ပြီဖြစ်ပြီး ဂျူဗင်တပ်အသင်းကို ပြောင်းရွှေ့သွားတဲ့ ခရစ်စတီယာနိုရော်နယ်ဒိုကတော့ အသင်းရဲ့ဂိုးသွင်းစံချိန်စာရင်းထဲမှာ ရှိနေဆဲပဲဖြစ်ပါတယ်။
Photos: Goal
ပြီးခဲ့တဲ့ရာသီက ဘန်ဇီးမားဟာ ၃၂ ပွဲကစားခဲ့ရာမှာ သွင်းဂိုး ၅ ဂိုး၊ ဂိုးဖန်တီးမှု ၁၀ ကြိမ်သာပြုလုပ်နိုင်ခဲ့တာဖြစ်ပြီး အဆုံးသတ်ပိုင်း အားနည်းမှုကြောင့် ပရိသတ်တွေရဲ့ဝေဖန်ခြင်းကို ခံခဲ့ရသူဖြစ်ပါတယ်။ ဒါပေမယ့် နည်းပြဇီဒန်းရဲ့ ပွဲထွက်ခွင့်ပေးမှုကြောင့် အရန်ခုံမှာ မထိုင်ခဲ့ရဘဲ ပုံစံကောင်းပြသနိုင်ဖို့သာ ရုန်းကန်ခဲ့ရတာဖြစ်ပါတယ်။
ရီးရဲမက်ဒရစ်အသင်းမှာ ၉ ရာသီကြာ လွှမ်းမိုးနိုင်ခဲ့တဲ့ ခရစ်စတီယာနိုရော်နယ်ဒိုရဲ့ ထွက်ခွာမှုဟာ ဂါရတ်ဘေးလ်အပါအဝင် ဘန်ဇီးမားအတွက်ပါ လောင်းရိပ်အောက်ကနေ လွတ်ကင်းခွင့်ရခဲ့တာဖြစ်ပြီး အသီးသီး ခြေစွမ်းပြဂိုးတွေ ပြန်လည်သွင်းယူနိုင်ပြီဖြစ်ပါတယ်။