အင်္ဂလန်လက်ရွေးစင် နောက်ခံလူ မက်ဂွိုင်းရားဟာ စကော့တလန်ကို ၁-၃ ဂိုးနဲ့ အနိုင်ရရှိတဲ့ပွဲအပြီးမှာ ပြိုင်ဘက်ကို ဆိုရှယ်မီဒီယာကတစ်ဆင့် လှောင်ပြောင်ခဲ့ပါတယ်။ အဆိုပါပွဲမှာ စကော့တလန်ရရှိခဲ့တဲ့ သွင်းဂိုးတစ်ဂိုးက မက်ဂွိုင်းရားရဲ့ ကိုယ့်ဂိုးကိုယ်သွင်းမှုကြောင့်ပါ။
မက်ဂွိုင်းရားဟာ ဒုတိယပိုင်း လူစားဝင်လာခဲ့တာဖြစ်ပေမယ့် ကွင်းအတွင်း ရောက်ရှိပြီး မိနစ် (၂၀) ဝန်းကျင်မှာတင် ကိုယ့်ဂိုးကိုယ် သွင်းယူခဲ့တာဖြစ်ပါတယ်။ မက်ဂွိုင်းရားရဲ့ Own Goal ကြောင့် အင်္ဂလန်တို့ ရုန်းကန်ရမလိုဖြစ်ခဲ့ပေမယ့် ဟယ်ရီကိန်းက အသင်းအတွက် အနိုင်သေချာစေမယ့် ဂိုးတစ်ဂိုးကို ထပ်မံသွင်းယူနိုင်ခဲ့ပါတယ်။
မက်ဂွိုင်းရားဟာ အဆိုပါပွဲမှာ ကိုယ့်ဂိုးကိုယ်သွင်းယူမိခဲ့တာကြောင့် အင်္ဂလန်ပရိသတ်တွေရဲ့ လှောင်ပြောင်မှုကိုပါ ပြန်လည်ခံစားခဲ့ရပါတယ်။ ဒါပေမယ့် ပွဲအပြီးမှာတော့ မက်ဂွိုင်းရားက “အသင်းဖော်တွေနဲ့အတူ ပျော်ဖို့ကောင်းတဲ့ နိုင်ငံတကာရက်သတ္တပတ်ဖြစ်ခဲ့ပါတယ်”
“အင်္ဂလန်လက်ရွေးစင်အသင်းအတွက် ကိုယ်စားပြုကစားခွင့်ရတာက ဂုဏ်ယူစရာပါ။ သူတို့ ဘယ်ကိုပဲသွားသွားပေါ့” လို့ အင်စတာဂရမ်ကတစ်ဆင့် ရေးသား လှောင်ပြောင်ခဲ့ပါတယ်။ ဒီစကားက အင်္ဂလန်တို့ စကော့တလန်ကို ပွဲချိန်အတွင်း လှောင်ပြောင်အော်ဟစ်ခဲ့တဲ့ စကားစုတစ်ခုကို မှီငြမ်းထားတယ်လို့ သိရှိရပါတယ်။
အင်္ဂလန်ပရိသတ်တွေဟာ စကော့တလန်ပရိသတ်တွေကို “စကော့တလန်က ဘယ်နေရာကိုပဲသွားသွား၊ ဖျက်ဆီးခံရမှာပဲ” လို့ ကွင်းအတွင်း အော်ဟစ်လှောင်ပြောင်ခဲ့ကြတာဖြစ်ပါတယ်။ အဲ့ဒါကြောင့်လည်း မက်ဂွိုင်းရားက သူဘောလုံးထိချိန်အတိုင်း လှောင်ပြောင်ခဲ့တဲ့ စကော့တလန်ပရိသတ်တွေကို အခုလိုမျိုး တုံ့ပြန်သွားခဲ့တာဖြစ်ပါတယ်။