မြန်မာ အမျိုးသမီး အသင်းတွေအနေနဲ့ အာရှအဆင့် ပြိုင်ပွဲတွေကို ဝင်ရောက်ယှဉ်ပြိုင်ဖို့ရှိနေတာကြောင့်ပွဲကြို ပြင်ဆင်မှု အဖြစ် အခုလို စင်ကာ ပူအသင်းကို ဧည့်ခံ ခြေစမ်းကစားမှာ ဖြစ်ပါတယ်။
Photo - MFF
လာမယ့် စက်တင်ဘာလ ၃ ရက်နေ့မှာတော့ မြန်မာနိုင်ငံကို စင်ကာပူနိုင်ငံက အမျိုးသမီးဘောလုံးအသင်းတွေ ဖြစ်တဲ့ ယူ -၁၆ နဲ့ ယူ -၁၉ အသင်းတွေ ရောက်ရှိမယ်ပါမယ်။
အမျိုးသမီးလိဂ်ကို မြဝတီအသင်း နှစ်နှစ်ဆက် ဗိုလ်စွဲ
ဒီအသင်းတွေက မြန်မာနိုင်ငံမှာ မြန်မာ့လက်ရွေးစင် ယူ-၁၆ ယူ -၁၉ အသင်းတွေနဲ့ ခြေစမ်းပွဲတွေ ကစားသွားမှာ ဖြစ်သလို စက်တင်ဘာလ ၆ ရက်နေ့အထိ နေထိုင်လေ့ကျင့်သွားမှာလည်း ဖြစ်ပါတယ်။
Photo - MFF
မြန်မာ အမျိုးသမီး ယူ-၁၆ အသင်းအနေနဲ့ AFC U16 Women Championship Qualification Round 1 ကို ယှဉ်ပြိုင်ကစားဖို့ရှိနေလို့ အခုလို စင်ကာပူ ယူ-၁၆ အသင်းနဲ့ မြန်မာနိုင်ငံမှာ ခြေစမ်းပွဲ ၂ ပွဲကစားသွားမှာ ဖြစ်ပါတယ်။
လက်ရှိတော့ နည်းပြချုပ်အဖြစ် ဒေါ်စန်းစန်းသိန်းမှ တာဝန်ယူဆောင်ရွက်နေပြီး အုပ်ချုပ်မှု နည်းပြအဖွဲ့ဝင် ၈ဦး၊ ကစားသမား ၂၅ဦးတို့နဲ့ အတူ တောင်ကြီးမြို့မှာ လေ့ကျင့်ရေးအစီအစဉ်များပြုလုပ်နေပါတယ်။
လာမယ့် စက်တင်ဘာလ(၄)ရက်နေ့နဲ့ (၆) ရက်နေ့တွေမှာတော့ ခြေစမ်းပွဲ ၂ ပွဲကိုယှဉ်ပြိုင်ကစားသွားမှာ ဖြစ်သလို မြန်မာ အမျိုးသမီး ယူ-၁၉ အသင်းကလည်း AFC U-19 Women's Championship Qualification ရှိနေလို့ ပြိုင်ပွဲကြိုပြင်ဆင်မှုအနေနဲ့ စင်ကာပူ ယူ၁၉ အမျိုးသမီး အသင်းနဲ့ စက်တင်ဘာလ ၆ရက်နေ့ ညနေ (၃)နာရီတို့မှာပဲ ခြေစမ်းပွဲ ယှဉ်ပြိုင်ကစားမှာ ဖြစ်ပါတယ်။