• VAR စနစ်က ခင်ဗျားရဲ့ပျော်ရွှင်မှုတွေကို လွင့်စင်သွားစေနိုင်တယ်လို့ ပြောလိုက်တဲ့ ဆွာရက်ဇ်

ဟူစကာနဲ့ပွဲအပြီးမှာ ပြောခဲ့တာပါ။

ဘာစီလိုနာအသင်းရဲ့တိုက်စစ်မှူး လူးဝစ်ဆွာရက်ဇ်ဟာ တနင်္ဂနွေနေ့က ဟူစကာအသင်းကို ၈ ဂိုး ၂ ဂိုးနဲ့ အနိုင်ရရှိခဲ့တဲ့ပွဲစဉ်က ကြုံတွေ့ခဲ့ရတဲ့ VAR နည်းပညာနဲ့ပတ်သက်ပြီး မနှစ်သက်ကြောင်း ပြောကြားခဲ့ပါတယ်။ ဟူစကာအသင်းနဲ့ပွဲစဉ်မှာ လူးဝစ်ဆွာရက်ဇ်က ၂ ဂိုး သွင်းယူပေးခဲ့ပြီး ပထမအကြိမ်သွင်းယူတဲ့ တတိယမြောက်ဦးဆောင်ဂိုးကို VAR စနစ်နဲ့ပြန်လည်ကြည့်ရှုပြီးမှ ရရှိခဲ့တာဖြစ်ပါတယ်။

suarezmessi-cropped_ofvd0hv9pfx91hag3mmqjdpsu.jpg

Photos: Goal

လူးဝစ်ဆွာရက်ဇ်က ဟူစကာနဲ့ပွဲအပြီးမှာ VAR ကြောင့် စိတ်လှုပ်ရှားမှုနဲ့ အောင်ပွဲခံလိုတဲ့ဆန္ဒတွေ ဆုံးရှုံးသွားနိုင်ကြောင်း ပြောကြားခဲ့တာဖြစ်ပါတယ်။ လူးဝစ်ဆွာရက်ဇ်နဲ့ မက်ဆီတို့ဟာ တနင်္ဂနွေနေ့ညနေမှာ လာလီဂါကို တန်းတက်လာတဲ့ ဟူစကာအသင်းကို တစ်ယောက် ၂ ဂိုးစီ သွင်းယူခဲ့ကြတာဖြစ်ပါတယ်။

ဘောလုံးက ရော်နယ်ဒို ဂိုးသွင်းလို့ရလောက်အောင် မှန်မှန်ကန်ကန်မခုန်ပေါက်နေဘူးလို့ဆိုတဲ့ အယ်လီဂရီ 

လူးဝစ်ဆွာရက်ဇ်ဟာ ပထမပိုင်းပြီးဆုံးခါနီး ၆ မိနစ်အလိုမှာ ဂျော်ဒီအယ်ဘာရဲ့ ဖြတ်တင်ပေးပို့မှုကနေတစ်ဆင့် ဂိုးသွင်းယူခဲ့တာဖြစ်ပြီး VAR စနစ်နဲ့ ဆွာရက်ဇ်ဆီကို ဂျော်ဒီအယ်ဘာ ဘောလုံးပေးပို့မှုကို စစ်ဆေးခဲ့ပြီးမှ တတိယမြောက်ဦးဆောင်ဂိုးကို ခွင့်ပြုပေးခဲ့တာဖြစ်ပါတယ်။ VAR စနစ်ကို ယခုရာသီမှာမှ စတင်ကျင့်သုံးခဲ့တာဖြစ်ပြီး လူးဝစ်ဆွာရက်ဇ်က ပွဲအပြီးမှာ အခုလိုပဲ ပြောကြားခဲ့ပါတယ်။

image

Photos: Sportskeeda

 

"ခင်ဗျားမှာ သံသယရှိတဲ့အခါကျရင် VAR နဲ့ ပြန်ပြီး စစ်ဆေးမယ်။ ခင်ဗျားအနေနဲ့ စိတ်လှုပ်ရှားမှုနဲ့ အောင်ပွဲခံချင်စိတ်တွေ ဆုံးရှုံးသွားလိမ့်မယ်"

"အဲဒီစနစ်က ခင်ဗျားရဲ့ပျော်ရွှင်မှုတွေကို လွင့်စင်ပျောက်ကွယ်သွားစေနိုင်ပါတယ်။ ခင်ဗျားကို အရာရာတိုင်းမှာ ထိန်းချုပ်ထားတဲ့အတွက် ခင်ဗျား အမှားလုပ်လို့ မရနိုင်တော့ဘူး"

လူးဝစ်ဆွာရက်ဇ်ဟာ ရှေ့ပွဲစဉ်တွေဖြစ်တဲ့ အလာဗက်စ်နဲ့ ဗယ်လာဒိုးလစ်အသင်းတို့နဲ့ပွဲစဉ်မှာ ဂိုးသွင်းယူနိုင်ခဲ့ခြင်းမရှိဘဲ ဟူစကာအသင်းနဲ့ပွဲစဉ်မှသာ ယခုရာသီအတွက် ပထမဆုံးဂိုးသွင်းယူနိုင်ခဲ့တာဖြစ်ပါတယ်။

"အရေးကြီးတာက ဘာလဲဆိုတော့ အသင်းကို ကူညီပေးပြီး ပွဲစဉ်တွေကို အနိုင်ရရှိဖို့ပါပဲ"

"နည်းနည်းချင်းစီနဲ့ ကျွန်တော်တို့ရဲ့စည်းချက်ကို ရှာဖွေတွေ့ရှိနေပါပြီ။ ပွဲစစချင်းမှာ ဟူစကာအသင်းကို အဖွင့်ဂိုးပေးလိုက်ရပြီး အဲဒါက တုံ့ပြန်ဖို့ တွန်းအားတစ်ခုဖြစ်ခဲ့ပေမယ့် ကျွန်တော်တို့ နည်းနည်းအိပ်မောကျနေခဲ့ပါတယ်"

ဘာစီလိုနာအသင်းဟာ လာလီဂါပြိုင်ဘက် ရီးရဲမက်ဒရစ်အသင်းကို ဂိုးကွာခြားချက်အသာနဲ့ အမှတ်ပေးဇယားမှာ ကျော်တက်ပြီး နံပါတ် ၁ နေရာနဲ့ နိုင်ငံတကာပွဲစဉ်တွေ ပြီးတဲ့အချိန်အထိ ဦးဆောင်ခွင့်ရရှိထားပြီဖြစ်ပါတယ်။

"အမြဲတမ်း ထိပ်ဆုံးရောက်နေဖို့က အရေးကြီးပါတယ်။ ဒါပေမယ့် အရာရာက အခုမှ အစပဲရှိပါသေးတယ်။ ကျွန်တော်တို့ ရှေ့မှာလာမယ့်ဟာတွေအတွက် ပြင်ဆင်ရပါဦးမယ်"လို့ ပြောကြားခဲ့ပါတယ်။


ဆက်စပ်အကြောင်းအရာများ

Share

Loading Next Article...
က္က